Ilkimdi istiń izashary

Bilim kúni Almaty qalasynda erekshe saltanatpen ótip, 29 myń­nan astam 1-synyp oqý­shy­­la­ry­na alǵashqy qońyraý soǵyldy.

Sondaı-aq Memleket basshy­synyń tapsyrmasy boıynsha iske asyp jatqan ulttyq joba aıasynda Almaty qalasyndaǵy Áýezov aýda­nynda «Jaıly mektep» ashyldy. Bul alǵashqy zamanaýı bilim ordasy 60 jyldyq tarıhy bar apatty dep tanylǵan №97 mektep-gımnazııanyń ornyna salyndy.

Jańa mekteptiń ashylýyna Almaty qalasy ákiminiń orynbasary Ásem Núsipova qatysyp, pedagogter men oqýshylardy Bilim kúnimen quttyqtady.

 – Bilim kúnimen barlyǵyńyzdy shyn júrekten quttyqtaımyn! Búgin jańa oqý jylynyń al­ǵashqy qońyraýy soǵylyp otyr. Oqýshylar jańa bilim men ǵylym álemine esik ashty. Bıyl mektep partasyna qala boıynsha 307 myńnan asa oqýshy otyrdy. Jańa oqý jyly bárińizge qyzyqty ári jemisti bolsyn! – dedi Á.Núsipova.

Jańa mektep 600 orynǵa arnal­ǵan. Munda erekshe bilim berý qajettiligi bar balalar úshin ınklıýzıvti kedergisiz orta, balalar shyǵarmashylyǵyn da­my­­týǵa arnalǵan aımaqtar, oqý daǵ­dylary, sıfrlyq tehnolo­­gııalardy ıgerý, sondaı-aq bastaýysh jáne orta mektep synyptary úshin bólek bloktar qarastyrylǵan.

Zamanaýı mekteptiń ashy­lýyn­ asyǵa kútken ata-analar da óz qýa­nyshtarymen bólisip, rıza­shy­lyq­taryn bildirdi.

Qazirgi tańda «Jaıly mektep» ulttyq jobasyn iske asyrý aıa­synda Almaty ákimdiginiń joba­lyq ofısiniń qoldaýymen 36,8 myń oqýshyǵa arnalǵan 22 mek­teptiń qurylysy júrip jatyr. Bıyl jyl sońyna deıin 32,8 myń oryndyq 20 mektepti paıdalanýǵa beriledi. Al kelesi jyly taǵy da 4 myń oryndyq eki mektepti iske qosý josparlanǵan.

ALMATY