Mańǵystaý oblysynyń ákimi Nurdáýlet Qılybaı «Otpan» jobasyna engen shalǵaı aýyldarda ornalasqan mektepterdiń jaǵdaıymen tanysty. О́ńir basshysy aldymen Túpqaraǵan aýdanyndaǵy Shahta mektebine bardy. Jobaǵa 700-ge jýyq oqýshy men 80-nen astam muǵalim qatysyp jatyr, shamamen 17-19 oqý synyby men zerthanasyn jańǵyrtý josparlanǵan. Sonymen qatar Nurdáýlet Qılybaı Mańǵystaý aýdany Ondy aýylyndaǵy Ábish Kekilbaev atyndaǵy mekteptiń jańa oqý jylyna daıyndyǵymen tanysty. Munda «Otpan» jobasyna 270-ke jýyq oqýshy men 40-tan astam muǵalim qatysyp, shamamen 16 oqý synyby men zerthanasyn jańǵyrtý josparlanǵan. Aıta ketý kerek, jańa oqý jyly qarsańynda bastaý alǵan biregeı jobaǵa Beıneý, Munaıly, Mańǵystaý, Túpqaraǵan, Qaraqııa aýdandary, Jańaózen men Aqtaý qalasynan barlyǵy 50 mektep qatysady. Atalǵan mektepterde materıaldyq bazany jańartý, muǵalimderdiń biliktiligin arttyrý, sondaı-aq aýdandar men oblystyń ádistemelik ortalyqtaryn damytý baǵdarlamasy iske qosyldy.
Joba sheńberinde osy 50 mektepte bilim alatyn 60 myńnan astam oqýshylardy qamtý, 7 myńǵa jýyq muǵalim, mektep ákimshiligi, psıhologter, ádiskerler, bilim bóliminiń mamandaryn oqytý qarastyrylǵan.
Bastapqy kezeńde mektep ǵımarattarynyń jaı-kúıine taldaý júrgizilip, nátıjesinde, synyptardyń materıaldyq jáne tehnıkalyq bazasyn jańartý boıynsha jumystar uıymdastyryldy. Ekinshi kezekte muǵalimderdiń kásibı qajettilikteri anyqtaldy, soǵan oraı ustazdardyń biliktiligin arttyrý Nazarbev zııatkerlik mektepteri men Bilim-ınnovasııa lıseıleri ustazdary bastaǵan bir top trener men sarapshy daıarlaǵan arnaıy oqý baǵdarlamasy arqyly júzege asady. Kelesi baǵyty – mektepterde qurylǵan pedagogter men oqýshylardy ári qaraı qoldaý jumystary. Jobany oblystyq bilim basqarmasy men bilim salasyn turaqty damytý qory júzege asyryp otyr.
– Oblystaǵy ustazdardyń biliktiligin arttyrý boıynsha jumys maýsym aıynda bastaldy. Semınarlar men trenıngter 13 pánnen, pedagogıka men psıhologııa, bastaýysh synyp sekildi baǵyttar boıynsha júrgizilip jatyr. «Otpan» jobasy aıasynda shyǵyndardyń basym bóligi kásipkerlerdiń demeýshilik kómegi arqyly óteletinin atap aıtý kerek. Árbir qatysýshy mekteptiń materıaldy-tehnıkalyq bazasyn jańartýyna jáne muǵalimderdiń kásibı biliktiligin arttyrýǵa demeýshiler tarapynan 170 mln tenge shamasynda qarajat beriledi. Oǵan qosa mekteptegi jóndeý jumysyna oblystyq ákimdik tarapynan 1,5 mlrd teńge bólinip otyr, – dedi Mańǵystaý oblysy bilim basqarmasynyń basshysy Dınara Jumasheva.
Jobany iske asyrý merzimi eki jyl, qosymsha taǵy bir jyl aıasynda pedagogterdi qoldaý jumysy kózdelgen.
Mańǵystaý oblysy
