Prezıdent 100 aýylǵa 10 myń kitap tartý etti

Prezıdent tartýy «Aýyl kitaphanalaryna – 100 kitap» aksııasy aıasynda tabys etildi. Eske salaıyq, Atyraýda ótken Ulttyq quryltaıda Memleket basshysy «kitap oqıtyn ult» qalyptastyrý qajettigine basa nazar aýdarǵan bolatyn. «Shyn máninde, ozyq oıly ult bolýdyń eń tóte joly – kitap oqý. Sondyqtan kitap oqý mádenıetin qoǵamda barynsha ornyqtyrýymyz kerek», dedi Qasym-Jomart Toqaev.

Prezıdent bastamasy otan­dyq jáne álemdik áde­bıettiń sońǵy úlgidegi týyndylaryn shalǵaıdaǵy aýyl kitap­hana­laryna jetkizip, óskeleń urpaqtyń kitap oqýǵa degen qyzy­ǵý­shylyǵyn arttyrýǵa baǵyttalyp otyr. Kitaptar Memleket basshysynyń atynan elimizdiń damýyna eleýli úles qosqan memleket jáne qoǵam qaıratkerleriniń, soǵys ardagerleriniń, belgili qalam­gerler men mádenıet maıtal­mandarynyń, ǵalymdardyń týyp-ósken aýyldaryna joldandy.

Aksııa aıasynda Halyq qa­harmany Saǵadat Nurmaǵam­betovtiń, qazaqtyń qaharman qyzdary Álııa Moldaǵulova, Mánshúk Mámetova, Hıýaz Dos­­panovanyń, rejısser Shá­ken Aımanovtyń, jazýshy Gerold Belgerdiń týyp-ósken aýyldaryndaǵy kitaphana qor­lary tolyqty. Sondaı-aq Birjan sal, Sáken Seı­fýl­­lın, Ilııas Jansúgirov, Tó­­leý Kóbdikov, Kenen Ázir­baev, Ábil­han Qasteev, Qasym Aman­jolov, Kemel Aqy­shev, Shámshi Qaldaıaqov, Ábish Ke­kilbaıuly, Farıza Oń­ǵarsynova sekildi belgili tul­ǵalardyń aýyldaryna, basqa da birqatar aýyldarǵa kitaptar toptamasy jol­dandy.

Aýyl kitaphanalaryna be­rilgen kitaptar arasynda álem jáne qazaq ádebıetiniń úzdik shyǵarmalary, balalar ád­e­bıe­tiniń jaýharlary, komıks­ter, qazirgi zamanǵy proza men poezııa, tarıhı, tanymdyq-aǵartýshylyq ádebıetter bar.

Memleket basshysynyń atynan barlyǵy 100 aýylǵa 10 myń kitap syıǵa berildi. Aıta keteıik, «Aýyl kitapha­na­laryna – 100 kitap» aksııasyna Parlament Senatynyń tóraǵasy Máýlen Áshimbaev, Prezıdent Ákimshiliginiń basshysy Aıbek Dádebaı, mınıstrler, túrli uıymdardyń basshylary men belsendi azamattar qoldaý kórsetip jatyr. Atalǵan aksııa áli jalǵasady.

Aıta keteıik, kóktemde Má­denıet jáne aqparat mınıstri Aıda Balaeva «Aýyl kitap­hanalaryna – 100 kitap» aksııasyn bastap, úsh óńirge kitaptar joldaǵan edi.

«Men ózim Abaı Qunanbaı­ulynyń aýyly Qaraýylǵa, Qanysh Sátbaevtyń aýyly Baıanaýylǵa, óz týǵan aýylyma álem jáne qazaq ádebıetiniń úzdik shyǵarmalaryn, tanym­dyq-aǵartýshylyq ádebıetterdi tartý ettim. Bul aksııany ózge de áriptesterim, mınıstrler qoldap, qazirdiń ózinde birneshe aýylǵa kitap jetkizip úlgerdi», dep jazǵan sala basshysy.

Sondaı-aq mınıstrlik janynan qurylǵan «Alqa» ádebı klýby da aksııa aıasynda Maǵjan aqyn týǵan aýylǵa 100 kitap tartý etken. Júz kitaptyń ishinde túrli janrdaǵy kórkem týyndylar, atap aıtqanda, astanalyq 30 qalamgerdiń kitabynan bastap,  tanymdyq-tarıhı shyǵarmalar, zamanaýı qazaq ádebıeti serııa­symen shyqqan kitaptar jáne klýb músheleriniń tól týyndylary bar.

Atalǵan bastama shalǵaıdaǵy aýyl kitaphanalaryna sońǵy shyqqan jańa týyndylar­dy jetkizip, óskeleń urpaq­tyń kitap oqýǵa degen qyzyǵý­shylyǵyn arttyrýǵa sep bolary sózsiz.