«Qazaqsha án salamyz» festıvali óńirdegi barlyq etnomádenı birlestiktiń basyn qosty. Jalpy sany 60-tan astam qatysýshy óner kórsetip, qazaqtyń tanymal ánderin oryndady. Festıvaldyń aty aıtyp turǵandaı, munda tek ózge ult ókilderi qazaq tilinde án saldy. Áýeli qatysýshylar jerebe tartysyp, «Asyl áýen», «Shalqyma», «Syrly saz», «Dýdar-aı» toptaryna bólindi. Al mádenı is-sharanyń ózi «Halyq ánderi», «Qazaq kompozıtorlarynyń ánderi», «Zamanaýı ánder» degen úsh kezeńnen turdy.
«Qazaqsha án salamyz» jobasy Pavlodar oblysy ákiminiń tapsyrmasy boıynsha tuńǵysh ret oblystyq Assambleıada ótkizilip otyr. Joba maqsaty – jastar arasynda qazaq mádenıetine degen qurmet sezimin tárbıeleý, ózge etnos ókilderi arasynda rýhanı birlik pen ultaralyq kelisim ıdeıalaryn taratý, memlekettik tildiń damýyna yqpal etý. Osy arqyly qazaqtyń mádenı qundylyqtary ulyqtalady. Etnomádenı birlestikterdiń ókilderi qazaqsha án shyrqap, rýhanı ónerimizben tanysady. Bul joba óńirde alǵash ret uıymdastyryldy. Aldaǵy Respýblıka kúninde ózgeshe formatta ótkizemiz dep josparlap otyrmyz», deıdi «Qoǵamdyq kelisim» mekemesiniń basshysy Núrııa Kóbenova.
Qatysýshylar jerebe tańdap, ózderine berilgen ánderdi oryndady. Olardyń qatarynda «Ana», «Ustazym», «Sarjaılaý», «Armandastar», «Bir bala» týyndylary bar.
PAVLODAR
