Kóp uzamaı elde energııa tapshylyǵy oryn alatyny barshaǵa málim. О́ıtkeni bizdegi elektr energııasynyń 70%-y kómir stansalarynda óndiriledi. Olardyń tozý deńgeıi óte joǵary. Stansalardyń keıbiri aldaǵy 10 jyl ishinde paıdalanýdan shyǵarylýy yqtımal. Josparǵa sáıkes, aldaǵy onjyldyqta 26 myń MVt qýattylyǵy bar stansalar iske qosylady. Árıne, onyń ishinde qoldanystaǵy stansalardy jańartý jumystary da bar. Jańa stansalardy salý da kózdelgen. Bul týraly jaýapty organ qyzmetkerleri neshe ret qaıtara aıtty. Desek te, AES-tiń orny bólek. Ony Memleket basshysy Qasym-Jomart Kemeluly jaqsy aıtty. El ekonomıkasy kún ótken saıyn mol energııany qajet etip jatqanyn aıta kelip, mundaı suranysty atom energetıkasy qamtamasyz ete alatynyn uqtyrdy.
«Biz elimizdiń ózine tán ereksheligin jáne uzaq merzimge arnalǵan ulttyq múddelerimizdi eskere otyryp, tek alǵa qaraı júrýimiz qajet. Bir sózben aıtsaq, bolashaqty oılaýymyz kerek. Sondyqtan men atom elektr stansasyn salýǵa qatysty barynsha baıypty sheshim qabyldaý qajettigin udaıy aıtyp kelemin», degen Memleket basshysy aldaǵy referendýmda halyqty baıypty sheshim qabyldaýǵa shaqyrdy.
Bul birer jyldyń emes, halyqtyń aldaǵy júzdegen jyldyq jaǵdaıyn baǵamdap aıtqan usynys-pikirdi biz «Qazaqstannyń Azamattyq Alıansy» bir aýyzdan qoldaımyz. О́ıtkeni eldiń 20 óńiri men basty qalalarynda AES-ke qatysty ótkergen is-sharalarda halyqtyń baıypty tańdaý jasaı alatynyna kózimiz jetti.
Baný Nurǵazıeva,
«Qazaqstannyń Azamattyq Alıansynyń» prezıdenti
