Foto: baq.kz/
Aıta keteıik, buǵan deıin QR Joǵary aýdıtorlyq palatasynyń tapsyrmasy boıynsha qoldanystaǵy AО́S-ǵa tıisti taldaý júrgizilgen edi.
AО́S – bul foto jáne beınetúsirilimdi júzege asyratyn, kólik quraldarynyń túrin, markasyn, memlekettik tirkeý belgisin, salmaqtyq jáne gabarıttik parametrlerin, sondaı-aq ostik júktemeleri men jyldamdyǵyn tirkeıtin arnaýly baqylaý-ólsheý tehnıkalyq quraly.
«Taldaý nátıjesinde búginde jalpyǵa ortaq paıdalanylatyn joldarda Kistler (Shveısarııa), UNDS (Ońtústik Koreıa) jáne Tenzo-M (Reseı) avtomattandyrylǵan ólsheý stansııalary ornatylǵany anyqtaldy. Budan basqa, Astananyń kirme joldarynda Intercomp (AQSh) óndirgen tenzometrııalyq datchıkteri bar 7 zamanaýı AО́S ornalastyrylǵan. Júrgizilgen taldaý negizinde tehnıkalyq quraldy respýblıkanyń basqa óńirlerine odan ári taratý josparlanǵan. Kólik mınıstrligi ákimdiktermen jáne «QazAvtoJol» UK» AQ-men birlesip 220 qosymsha AО́S ornatý úshin jeke ınvestorlardy tartý máselesin pysyqtaýda: halyqaralyq jáne respýblıkalyq mańyzy bar avtojoldarda – 70, oblystyq, aýdandyq mańyzy bar joldarda jáne qalalardyń kóshelerinde – 150», dep habarlady Joǵary aýdıtorlyq palatasynyń baspasóz qyzmeti.
Bul salmaq jáne jyldamdyq rejımderiniń buzylýyn jedel anyqtaýǵa, jol qozǵalysyna sapaly monıtorıng júrgizýge jáne jalpy avtojoldardaǵy qaýipsizdikti arttyrýǵa múmkindik beretini atap ótildi.
Buǵan deıin Astanada joldardyń buzylýyn boldyrmaýǵa arnalǵan avtokólikti ólsheýdiń avtomattandyrylǵan júıesi resmı túrde iske qosylǵanyn habarlaǵan edik.
