Foto:Ashyq derekkóz
Taldaý nátıjesinde 1,4 mlrd teńge somasyna zańsyz jasalǵan 78 kelisimshart anyqtalǵan.
«Osy sharttardy jasaý kezeńinde tótenshe jaǵdaı jarııalanbaǵany, tıisinshe, bir kózden sharttar jasaýǵa negiz bolmaǵany belgili boldy. Atap aıtqanda, JAO qardy shyǵarý, ákimshilik ǵımarattardy aǵymdaǵy jóndeý, muzdan tazartatyn reagentter jáne t.b. taýarlardy, jumystardy jáne qyzmetterdi satyp alǵan», delingen habarlamada.
Qoldanystaǵy zańnamada kózdelmegen jaǵdaılarda tikeleı shart jasaý arqyly bir kózden alý tásilimen memlekettik satyp alýdy júzege asyrǵany úshin laýazymdy adamdar ákimshilik jaýapkershilikke tartylady.
Aıta keteıik, búgingi kúnge deıin sheneýnikter 14 mln teńge kóleminde aıyppul tólegen.
