At ústindegi tartys

Qyrǵyzstan, О́z­bek­stan, Mońǵolııa, Túrkııa, Majarstan, Qytaı, AQSh jáne Reseıden kelgen sportshylardyń osaly joq. Dese de ulttyq qura­ma­daǵy Ermek Quralbaı, Al­mat Látipbek, Daryn О́tkel­baı, Esimhan Rahmatillá, Syrym Izbasarov jáne Birjan Qosalıev syndy úzdikterge zor senim artamyz.

Jastar arasynan eresekter dýyna qosylǵanyna kóp bola qoımaǵan Daryn О́tkelbaı 80 kg salmaqta basty qarsylasy sanalǵan qyrǵyz balýany Qalybek Bu­syrmanqululyn atynan aýda­ryp tastady.

«Aýdaryspaqtan eki dúrkin álem chempıony atandym, endi óz jerimizde ótip jatqan Dúnıejúzilik kóshpeliler oıyndarynda jeńiske jetýdi maqsat tutyp otyrmyn. Qýa­narlyǵy, basty qarsylas sa­nalǵan qyrǵyzstandyq sport­­shydan basym tústim. Tájirıbesi mol, menen jasy da edáýir eresek óte tegeýrindi balýan. Aýda­ryspaqtan halyq­aralyq do­dalarǵa qatysyp ysylǵan», dedi Daryn.

Endi ol altyn úshin aı­qasta Nodırjan Jýnaıdýllaevtyń kúshin synap kóredi.

70 kg salmaqta Almat Lá­tip­bekke jerebe jeńil túsken joq. Birinshi aınalymda Moń­ǵolııa quramasynyń na­mysyn qorǵaǵan qazaq Er­kinbek О́mirtaıdy jyqty. Dúnıejúzilik kóshpeliler oıyndarynyń altyn medali úshin qyrǵyzstandyq Baqytgúl Raıhanulymen tartysqa tú­sedi. Bul salmaqtyń qola me­­dali moń­ǵolııalyq Erkinbek О́mir­taı men ózbekstandyq Ko­dırjan Egamberdıevke buıyrdy. 60 salmaqta Ertek Quralbaı da fınalǵa ótti, ol altyn medal úshin saıysta qyrǵyz balýany Jeksenbek Turdybekpen tartysady.