Stýdentter jataqhanasy boı kóteredi

Ýnıversıtet aýmaǵynda soń­ǵy ­­30 jylda salynǵaly otyrǵan jataqha­na 450 orynǵa arnalǵan. Oqý orny aýmaǵynda munymen qosa stýdentter úshin medısınalyq orta­lyq turǵyzylady. Qurylysqa salynatyn jalpy ınvestısııa kólemi ­2,3 mlrd teńgeden asady. Sal­tanatty is-sharaǵa basqarma tór­aǵasy-rektor Aqylbek Kúrishbaev, Parlament Senatynyń depýtaty Janna Asa­nova, Ǵylym jáne joǵary bilim mı­nıstrligi Sıtýasııalyq orta­lyǵynyń jetekshisi Amanǵalı Shaı­mardanov, ınvestor kompanııa «Qa­zaq-Stroı» JShS bas dırektory Bolat Ibragımuly, Almaty qalalyq jastar saıasaty basqarmasynyń basshysy Azız Qajdenbek, Medeý aýdany ákim­diginiń mamandary, oqytýshylar qatysty.

Qazirgi tańda ýnıversıtette jeke­menshikke ótip ketken oqý orny ak­tıvterin keri qaıtarý jumysy jal­ǵasyp otyr. Mysaly, №6 stýdent­tik jataqhana ótken jyly turǵyn úı qoryna qaıtarylyp, qosymsha 280 stýdent baspanaly boldy. Kezinde «Shah» meıramhanasy men keńse ǵımaraty retinde paıdalanylyp kelgen №3 stýdenttik jataqhana da keri qaıtarylyp, tolyqtaı kúrdeli jóndeýden ótti. Bul maqsatqa ýnıversıtet bıýdjetinen 160 mln teń­ge­ge jýyq qarajat jumsaldy. «Rıtm Stroı EK» JShS jataqhanaǵa jón­deý jumystaryn júrgizip, turǵyn bólmeler, as úıler men dálizder, tazalyq oryndary jańasha dızaınmen órnekteldi. Qajetti jıhazdar, turmystyq tehnıkamen qamtamasyz etilip, zamanaýı 300 bólme stýdentter, magıstranttar men jas ǵalymdardyń ıgiligine berildi.

«Aqyl alem» kompanııasy júr­gizgen áleýmettik zertteýlerge sú­ıen­sek, elimizdegi úsh joǵary oqý orny – Nazarbayev University, KIMEP jáne Qazaq ulttyq agrar­lyq zertteý ýnıversıteti bilim sapasy men jataqhanamen qamtamasyz etý jóninde eń ozyq dep tanylǵan. Áleýmettik baǵyttaǵy júıeli ju­mystardy jalǵastyrýdyń nátıje­sinde «KazNARU» Ortalyq Azııada QS reıtıngisinde 6-oryn, elimizde TOP 5-ke enip otyr.

ALMATY