V Dúnıejúzilik kóshpendiler oıyndarynyń búgingi jarys kúninde Qazaqstan quramasy 7 altyn, 7 kúmis, 9 qola medal jeńip aldy. Qazaqstan quramasy 21 altyn, 10 kúmis, 17 qola medalmen jalpy esepte kósh bastap keledi. Odan soń 23 medalmen Qyrǵyzstan, 24 medalmen О́zbekstan, 21 medalmen Reseı quramalary jaıǵasqan.
Kýrashtan qazaqstandyq 7 sportshy jartylaı fınalǵa joldama alyp, onyń tórteýi aqtyq synǵa joldama aldy. О́kinishke qaraı, ekinshi jarys kúni otandyq sportshylarǵa altyn buıyrmady. Osylaısha, qazaqstandyq balýandar 4 kúmis, 3 qola júlde ıelendi.
1. Marat Nıgmatýllaev – qola júlde (erler arasynda 60 keli salmaq dárejesi)
2. Ernur Súleımenov – kúmis júlde (erler arasynda 60 keli salmaq dárejesi)
3. Aıbek Qazaqbaev – kúmis júlde (erler arasynda 66 keli salmaq dárejesi)
4. Tolǵanaı Abeýova – kúmis júlde (áıelder arasynda 57 keli salmaq dárejesi)
5. Altynaı Nurhanova – qola júlde (áıelder arasynda 57 keli salmaq dárejesi)
6. Nurdin Shaımerden – kúmis júlde (erler arasynda 73 keli salmaq dárejesi)
7. Ádilet Ahmetǵalı – qola júlde (erler arasynda 73 keli salmaq dárejesi)
Aıta keteıik, jarystyń alǵashqy kúni qazaqstandyq 6 sportshy kýrashtan jartylaı fınalǵa joldama alyp, úsheýi aqtyq synda baq synady. Al jalpy kýrashtan Qazaqstan quramasy 1 altyn, 6 kúmis 6 qola júldege ıe boldy.
