Sýret: zhas-zhanary.kz
Osy arqyly endi kolledjder óz bazasynda shyǵarǵan taýarlar men qyzmetterden tabys taba alady. Stýdentter jıhaz jasaý, tigin tigý, kondıterlik jáne nan-toqash ónimderin pisirý sekildi kásipterdi ıgere otyryp, ony kiris kózine aınaldyrý daǵdylaryn da meńgeredi.
Tehnıkalyq jáne kásiptik bilim departamenti dırektory Áset Muhanbetov máselege qatysty: «Bul kásiporyndar stýdentterge túrli kásibı daǵdyny ıgerýge, onyń ishinde kommýnıkasııa qurýǵa, jobalardy basqarýǵa, marketıng jáne qarjy boıynsha bilim alýǵa, olardyń alǵan bilimin is júzinde qoldanýǵa múmkindik beredi. Shaǵyn kásiporyndar esebinen túsken qarajat oqý oryndarynyń materıaldyq-tehnıkalyq bazasyn nyǵaıtýǵa jumsalady, bul olardyń damýyna jáne bilim berý sapasyn arttyrýǵa yqpal etedi», dep atap ótti.
Qazirgi ýaqytta tehnıkalyq jáne kásiptik bilim uıymdary bazasynda 26 shaǵyn kásiporyn jumys isteıdi. Jyl sońyna deıin taǵy 14 jańa kásiporyn ashý josparlanyp otyr.
