Qarjy ınstıtýttarynyń rólin kú­sheıtý kerek

Qarjylandyrý – fınteh­tegi startaptyń ósýi men ınno­va­sııanyń negizi. Investı­sııa­lardy tabysty tartýǵa qar­jylyq-tehnologııalyq joba­larǵa nazar aýdara otyryp, ven­chýrlyq qorlardy qurý ma­ńyzdy. Bul qural kapıtaldy arnaıy qarjylyq tehnologııalar ındýstrııasyndaǵy ınnovasııalyq jobalarǵa baǵyttaýǵa múmkindik beredi. Buǵan bastapqy kezeńdegi startaptarǵa ınvestısııa salatyn jeke sektormen memlekettik qor­lar qurý kiredi.

Iri bankter men korporasııa­lardy tartý júıesin de bir izge túsirý kerek. Bankter men iri kompanııalar fıntehke strategııalyq ınvestısııalaýǵa múddeli bolsa, jeke tehnologııasyn jetildiredi, tutynýshylar bazasyn keńeıtedi. Sondyqtan osy tusta startaptar men tehnologııalyq kom­pa­nııalarǵa korporatıvtik ınvestısııany yntalandyrý mańyzdy.

Qazir birshama jumys júr­gizilip jatqanyn aıta ketken jón. Mysal retinde fıntehti damytý salasyndaǵy «QIC» nátıjelerin aıta alamyn. Ol venchýrlyq qarjylandyrýdy damytýǵa erekshe kóńil bóledi: jalpy kapıtaldanýy 2,3 mlrd  dollardy quraıtyn 14 jeke kapıtaldyń, 3 venchýrlyq qordyń qatysýshysy. 50-den astam halyqaralyq ıns­tıtýsıonaldyq ınvestorlarmen, ulttyq ál-aýqat qorlarymen jáne halyq­aralyq qarjy ınstıtýttarymen seriktestikte jeke kapıtal qor­laryn ınvestısııalaıdy, bas­qarady.

Biz aımaqtyq startaptar ekojúıesin odan ári damytamyz. Sol sebepti, eksportqa baǵyttalǵan IT-jobalardyń ósýine yqpal etýge «Astana Hub» jáne basqa da jeke uıymdarmen yntymaqtastyqty nyǵaıtýdy jalǵastyramyz. Otandyq kom­panııalardy ınvestısııalaý arqyly «QIC» ýaqyt óte kele memlekettiń qarjylyq turaq­tylyǵyn nyǵaıtyp, eleýli salyq tóleýshilerge aınalǵan qýat­ty naryqqa shyǵýyna kómek­tesedi.

Erbolat Jolat,

«Qazaqstan Investment Corporation» AQ basqarma tóraǵasy