ASTANA – MAHABBATYM MENIŃ

Elbasy Nursultan Nazar­baev Astanadaǵy “Qazaqstan” ortalyq konsert zalynda ótken “Astana – mahabbatym meniń” atty 12 serııa­ly telehıkaıanyń tusaýkeser rásimine qatysty. Prezıdent óz sózinde bul tele­hı­kaıanyń Astana týraly eń al­ǵashqy iri joba ekenin atap ótip, avtorlardy sátti týyndynyń dúnıege kelýimen quttyqtady, dep habarlady Qazaq­stan Res­pýblıkasy Prezı­dentiniń baspasóz qyzmeti. Týyndyny Qazaqstan men baýyr­las Túrkııa kınogerleri bir­lesip túsirgen. Mádenıet mınıstri Muhtar Qul-Muhammedtiń aı­týyn­sha, Qazaqstan Elbasy Nursultan Nazarbaevtyń basshylyǵymen iri ekonomıkalyq tabystarǵa jetti, sonyń arqasynda osyndaı aıtýly shyǵarmashylyq jobalardy jasaý­ǵa múmkindikter týyp otyr. “Siz Astanany ásem shaharǵa aınal­dy­ryp qana qoıǵan joqsyz. Din lı­der­lerin shaqyrdyńyz, din adam­darynyń júregi taza, orny da taza bolady. Solardyń barlyǵynyń ba­tasymen nurlandyq. Olar osyn­da kelgen kezde Sizge búkil dúnıe júzindegi tatýlyq pen birliktiń lıderi degen batasyn berip, shyn kóńilden moıyndady”, – dedi mınıstr Muhtar Qul-Muhammed Memleket basshysyna qaratyp. Telehıkaıadaǵy oqıǵa bylaı ór­bıdi: 1985 jyldyń qaqaǵan qysy. Selınograd qalasynyń ústinen ushyp bara jatqan ushaqtaǵy ábi­ger. Túrkııalyq dáýletti adamnyń áıeli bosanyp, dúnıege qyz ákeledi. Jolaýshylardyń ishinde jalǵyz dáriger kelinshek bar edi. Eki jasar ulymen kele jatqan. Álgi áıeldi sol bosandyryp alady. Kómegine razy bolǵan túrkııalyq hanym quda bolýǵa nıet bildiredi. Arada 24 jyl ótkende oqıǵa qaı­ta jandanady. Bul kezde Qa­zaq­stan táýelsiz el atanyp, baıaǵy Selınogradtyń ornyna ajarly Astana salǵan. Kindik qany Astana aspanynda tamǵan Injý men sol kez­de 2 jasta bolǵan Erlan qaıta taby­sady. Birin-biri unatqan eki jastyń basynan keshken shytyr­man oqı­ǵalar túgelimen Astanada órbıdi... Telehıkaıanyń qoıýshy rejıs­seri Ermek Shynarbaev kórermen qaýymǵa telehıkaıa keıipkerlerin som­daǵan Bakar Akcha, Ádil Ahme­tov, Janna Qýanysheva, Gúlnár Dosmatova, Erman Býrmalı, Erdal Djındorýk qatarly ártistermen tanystyrdy. Basty róldi oınaǵan Bakar Akcha osy teletýyndyǵa túsý ar­qyly As­ta­nadaı kórikti qalamen, Qazaqstannyń keńpeıildi, qonaq­jaı adamdarymen tanysý baqy­tyna ıe bolǵanyn aıtty. Ásirese, onyń Elbasymen júzdesken sáti esinde qalypty. – Sizdi biz túrki dúnıesiniń kóshbasshysy, qazaqtyń Atatúrigi sanaımyz. Qupııalaý bolsa da bir jaǵymdy jańalyqty aıtaıyn, jaqynda bizdiń elde Sizge eskert­kish ornatpaq. О́zińizdi maqtaǵandy jaqsy kórmeıtinińizdi bilemiz, alaıda bul Sizdi shyn qurmetteıtin jáne qadir tutatyn túrki hal­qy­nyń júreginen shyǵyp otyr, – dedi ol. Jobanyń televızııalyq nus­qasy 1 shildeden bastap “Habar” telearnasynan kórsetile bastaıdy.