Foto: Erlan Omar|EQ
Saǵat 11.00-de kókpardan Qazaqstan ulttyq quramasy Qyrǵyzstan komandasymen kezdesip, altyn júldeni sarapqa salady. Oıyn «Qazanat» ıppodromynda ótedi.
Ippodromda saǵat 16.30-da kók bórúden Qazaqstan men Qyrǵyzstan arasynda fınaldyq match ótedi.
Al ıppodrom mańyndaǵy etnoaýylda saǵat 10.00-de teńge ilýden jarys bastalady. Bes beles saıysynan Beknur Serikov óner kórsetse, saǵat 15.00-de Rahat Kombarov qos qulash saıysy boıynsha synǵa túsedi.
Etnoaýylda saǵat 10.00-de qusbegiler jarys jolyna shyǵady. Búrkit, qarshyǵa jáne suńqar salý irikteý kezeńi men jartylaı fınal ótedi. Búrkit salýdan Erzat Baıqadamov, Serikbek Kúntýǵan, Arman Qoshqarov, al qarshyǵa salýdan Dáýren Arshabaı, Baǵdat Keýenov, Qudaıbergen Raýıluly, Erlan Kenjetaev, ıtelgi salýdan Baqdáýlet Babajan men Ibragım Bazarbaev synǵa túsedi.
«Arǵymaq» at-sport kesheninde saǵat 10.00-de dástúrli sadaq atýdan komandalyq saıystar bastaý alady. Qazaqstan namysyn 10 sportshy qorǵaıdy. Áıelder: Dınara Jaqsylyqova, Farıza Sabyrjan, Aıkórkem Batıhan jáne Ajar Tóleýqanova. Erler: Erbol Tapenov, Baqbergen Sálimov, Qasymhan Qanat, Marat Beksultan, Maqsat Ábdikerimov jáne Jánibek Qulmyrzaev.
Jaqsylyq Úshkempirov atyndaǵy Jekpe-jek saraıynda saǵat 10.00-de tatar halqynyń kóne ulttyq belbeý kúresi koreshten erler arasynda tórt salmaq dárejesi boıynsha jarystar bastalady. El namysyn Ádilet Shalǵynbekuly (64 keli), Beknur Bektaı (75 keli), Ernar Baıjigit (90 keli) jáne Nursultan Qojageldiuly (+90 keli) qorǵaıdy.
«Alaý» muz saraıynda saǵat 10.00-de túrik halqynyń ulttyq kúresi ashyrtmaly aba gıýreshinen bes salmaq dárejesi boıynsha sportshylar synǵa túsedi. Ulttyq qurama sapynda Marat Nıgmatýllaev (60 keli), Ádilet Ahmetǵalı (70 keli), Erzat Arǵynov (80 keli), Aıdos Ǵalymov (90 keli) jáne Muhtar Dálelhanuly (+90 keli) bozkilemge shyǵady. Ashyrtmaly aba gıýreshıne 19 memleketten 74 sportshy qatysady.
«Alaý» muz saraıynda saǵat 10.00-de qyrǵyz halqynyń ulttyq oıyny ordodan irikteý syny bastalady. El namysyn Nurjigit Anýarbekuly, Nurqanat Moljigitov, Almas Qarabaev, Muhambetjan Nurlanuly, Myrzamurat Kaıypbekov, Aıbek Amangeldiuly. Talǵar Ábilhan jáne Salmoorbek Sýbanalıev qorǵaıdy. Ordoǵa 7 memleketten 56 sportshy qatysady. Aqtyq kezeń 13 qyrkúıek kúni ótedi.
«Dýman» qonaq úı jáne sport kesheninde saǵat 10.00-de Batys Afrıka halyqtarynyń zııatkerlik oı̆yny ovarıden saıys bastalady. Ovarıden ulttyq qurama sapynda Ásel Dalıeva, Ańsaǵan Qojanásip, Serik Aqtaev jáne Ernur Mereshev Beksultan Bostandyqov, Ersultan Áýelbaı, Móldir Serikqyzy júldege talasady.
