Foto: Ashyq derekkóz
«Oqý maýsymynyń bastalýymen jolaýshylar sanynyń artýyna baılanysty, sondaı-aq qalalyq baǵdarlarda túngi avtobýstardy paıdalaný tıimdirek bolatynyn eskere kele, túngi maýsymdyq baǵdarlar qozǵalysyn 14 qyrkúıek senbiden 15 qyrkúıek jeksenbige qaraǵan túni toqtatý sheshimi qabyldandy», dep habarlady «City Transportation systems» JShS.
Aıta keteıik, № 201, 202 jáne 203 túngi baǵdarlary iske qosylǵan kúnnen bastap 21 116 jolaýshy tasymaldanǵan.
- №201 baǵdarmen 10 534 jolaýshy;
- № 202 baǵdarmen 5 061 jolaýshy;
- № 203 baǵdarmen 5 521 jolaýshy júrgen.
Salystyrmaly túrde osy kezeńde bir qalalyq baǵdarmen ortasha eseppen 500 myńǵa jýyq jolaýshy júrgen. Bul túngi baǵdarlarǵa qaraǵanda áldeqaıda úlken kórsetkish ekeni atap ótildi.
Túngi baǵdarlardyń jumysyn josparlaý úshin CTS aldaǵy ýaqytta saýalnama júrgizedi. El azamattary @cts_kz Instagram paraqshasynyń profılindegi silteme arqyly saýalnamaǵa qatysa alady.
