foto AHQO
Freedom Holding Corp bas atqarýshy dırektory Tımýr Týrlov holdıng álemniń 20 elinde jumys istep jatqanyn, al naryqtyq kapıtaldandyrylýy 5 mlrd dollardan asatynyn habarlady.
«AHQO – bul óziniń quqyqtyq ortasy, soty jáne túsinikti oıyn erejeleri bar tamasha ekojúıe. Osynyń arqasynda Freedom eýropalyq brokeriniń ınfraqurylymy AHQO alańynda tórt aıda óz ornyn tapty. Biz Astana International Exchange bırjasy arqyly usynylatyn qyzmetter men ónimderdiń keń spektriniń arqasynda Qazaqstandaǵy eń iri bólshek broker atandyq», dep atap ótti Tımýr Týrlov.
Onyń aıtýynsha, AHQO-ǵa qosylǵan sátten bastap Freedom Broker-diń klıenttik shottarynyń sany 235 myńǵa ósip, jasalǵan mámileler sany 31 mln-nan, al saýda kólemi – 2,5 trln dollardan asqan. 2020 jyldan bastap Freedom Broker 77 emıtenttiń jalpy kólemi 4 mlrd dollardan asatyn 145 baǵaly qaǵazyn shyǵarypty.
China Construction Bank Corporation Astana fılıalynyń bas dırektory Van Sýnhýa fılıal AHQO-daǵy jumysyn 2019 jyly bastaǵanyn jáne qarjy ortalyǵynda qurylǵan alǵashqy sheteldik bank bolǵanyn atap ótti. Banktiń qazirgi qyzmet salasy Ortalyq Azııanyń bes elin, sondaı-aq Kavkaz ben Mońǵolııany qamtıdy.
«Biz AHQO-ny kelesi sebepter boıynsha tańdadyq: táýelsiz retteýshi, jeńildikti salyq salý, bıznes júrgizý úshin qolaıly orta, saýda bazasynyń ınnovasııalyq ınfraqurylymy, jeńildetilgen jáne jedeldetilgen tirkeý, Qazaqstan men Qytaıdyń tyǵyz yntymaqtastyǵy jáne Shyǵys Eýropa men Ortalyq Azııa óńirindegi №1 qarjy ortalyǵy pozısııasy», dedi Van Sýnhýa.
Aǵymdaǵy jyldyń maýsym aıynyń sońyna qaraı Astana fılıalynyń basqarýyndaǵy aktıvterdiń jalpy kólemi 833 mln dollardy qurady, onyń 378 mln – kredıtter. Valıýtalar bólinisinde qarjylandyrylǵan jobalardyń jalpy somasy 896,5 mıllıon dollarǵa, 4,4 mıllıard ıýanǵa jáne 6 mıllıon eýrodan astamǵa jetti. Bul rette qoldaý tapqan 12 jobanyń 10-yn qazaqstandyq kompanııalar iske asyrdy.
Fix Price Group Plc. basqarýshy dırektory Dmıtrıı Kırsanov kompanııanyń bekitilgen baǵa dúkenderiniń jelisi Qazaqstandy qosa alǵanda, óńirdiń 10 elinde jumys isteıtinin atap ótti. Bizdiń el aýmaǵynda 300-den astam dúken jumys isteıdi, 2 myńǵa jýyq jumys orny quryldy. Kompanııa Qazaqstanda jáne dúkenderi ashylǵan basqa da elderde odan ári belsendi damýdy josparlap otyr.
«Taıaýda biz «Astana» halyqaralyq qarjy ortalyǵynda tirkeldik, al bizdiń baǵaly qaǵazdarymyz Astana International Exchange-de saýdalanýda. Nelikten biz Astanany tańdadyq? Biz úshin biz qatysatyn barlyq eldermen tıimdi jumys isteýge múmkindik beretin ıýrısdıksııanyń bolýy mańyzdy. Qazaqstan dál osyndaı ıýrısdıksııa – ozyq jumys tájirıbesi jáne ınvestorlardyń keń aýqymyna qoljetimdiligi bar», dep atap ótti Dmıtrıı Kırsanov.
GRATA International halyqaralyq zań fırmasynyń seriktesi jáne Astana qalasyndaǵy ofıs dırektory Samat Daýmov fırma 2019 jyly AHQO-ǵa qosylǵan sátten bastap 60-tan astam klıent AHQO-nyń qoldanystaǵy zańnamasy salasynda zań kómegin alý úshin GRATA International-ǵa júgingenin aıtty. Onyń aıtýynsha, fırma Qazaqstannan jáne shet elderden ekonomıkanyń túrli salalaryndaǵy uıymdardan quqyqtyq suraýlar alýdy jalǵastyryp keledi. Ulybrıtanııa, Shveısarııa, Qytaı, Lıýksembýrg, Kıpr jáne basqa elderdiń klıentteri AHQO jumysyna baılanysty máseleler jóninde zańgerlik konsýltasııalar úshin GRATA International-dy tańdaıdy.
«Qarjy ortalyǵy usynatyn múmkindikter men bıznes-klımatqa súıene otyryp, GRATA International AHQO qoǵamdastyǵynyń senimdi múshesi bolyp qalady. Ortalyqqa qosylý sebepteriniń arasynda bıznesti keńeıtý, klıentter úshin jańa ónimderdi ázirleý, halyqaralyq normatıvtik-quqyqtyq orta boldy. Qarjy ortalyǵyna qosylǵan sátten bastap, bizdiń qyzmetterimizdiń spektri AHQO-nyń qoldanystaǵy zańnamasyna sáıkes keńeıdi jáne qarjy ortalyǵyna qosylǵysy keletin klıentterdiń qajettilikterine baǵdarlanǵan», dep atap ótti Samat Daýmov.
GRATA International halyqaralyq zań fırmasynyń negizi 1992 jyly Almatyda qalanǵan jáne qazir Eýrazııa aýmaǵynda 22 ıýrısdıksııasyn qamtıdy. Búgingi tańda GRATA International 14 myńnan astam klıentke zańgerlik kómek kórsetip, 37 myńnan astam isti aıaqtady.
Vıshal Sachendran, Binance óńirlik naryqtardyń jahandyq dırektory, Binance búginde saýda-sattyq kólemi men tirkelgen paıdalanýshylar sany boıynsha álemdegi eń iri krıptovalıýta bırjasy bar jetekshi blokcheın-ekojúıe ekenin aıtty. Binance platformasynyń álemniń 100-den astam elinde 200 mln astam paıdalanýshysy bar. Binance Kazakhstan AFSA-dan tolyq retteýshi lısenzııa alýǵa kelisim alǵan alǵashqy sıfrlyq aktıvter platformasy boldy.
«Qazaqstan Binance úshin basym el bolyp tabylady, ony Ortalyq Azııadaǵy óńirlik krıptovalıýtalyq hab dep ataýǵa ábden bolady. Men Qazaqstannyń jańa sıfrlyq tehnologııalar men krıptovalıýta ekojúıesin damytý máselelerindegi kúsh-jigerin erekshe atap óter edim. Elde pılottyq jobany júzege asyrýdyń arqasynda 2022 jyldyń qyrkúıeginde Binance Kazakhstan AHQO lısenzııasyn aldy jáne 2023 jyldyń maýsymynda iske qosylǵannan beri jergilikti platformany paıdalanýshylar sany 100 myńnan asty», dedi Vıshal Sachendran.
Orta merzimdi perspektıvada Binance Kazakhstan basqa TMD jáne Azııa elderiniń klıentterine qamtýdy, sondaı-aq jergilikti retteýshiler lısenzııalanǵan uıymdardyń qatysýyn talap etetin basqa naryqtar úshin qosalqy ınfraqurylym retinde áreket etýdi josparlap otyr. Bul rette, Binance eldegi krıptoındýstrııany ilgeriletý jáne sıfrlyq aktıvter úshin senimdi normatıvtik bazany damytýǵa yqpal etý úshin Qazaqstandaǵy retteýshilermen ózara is-qımyl jasaýdy jalǵastyrady.
Sondaı-aq, AHQO-ǵa qatysýshy kompanııalardyń basshylary – Solidcore Resources jáne Amicorp Fund Services – AHQO basqarý jónindegi keńestiń otyrysynda sóz sóılep, Memleket basshysyna olardyń óńirdegi qatysýyn damytý jáne odan ári keńeıtý jónindegi josparlaryn tanystyrdy.
Vıtalıı Nesıs, Solidcore Resources bas atqarýshy dırektory:
«AIX-tegi lıstıng geosaıası belgisizdik kúsheıgen kezeńde bizge qaýipsiz baspana berdi, naryqtyq ınfraqurylymnyń negizgi elementteri buzylý men dıslokasııadan zardap shekkende aksııalar saýdasynyń úzdiksizdigin qamtamasyz etti jáne óńirdegi jańa ınvestorlar úshin aksııalarǵa qol jetkizý múmkindikterin ashty».
Robın Hıokıan, Amicorp Fund Services (UK) bas operasııalyq dırektory:
«О́ńirlik sahnada Qazaqstan bıznes úshin damyp kele jatqan tartylys ortalyǵy retinde, Ortalyq Azııadaǵy ekonomıkanyń ósý qarqyny jáne tikeleı sheteldik ınvestısııalar boıynsha eń iri elderdiń biri retinde erekshelenedi. Qazaqstan úkimetiniń ekonomıkany ártaraptandyrý boıynsha kúsh-jigeri qarjy sektorynyń damýyna kúshti serpin berdi. Úkimetpen jáne AHQO-men yntymaqtastyq jasaı otyryp, Amicorp Fund Services Qazaqstannyń qarjy sektorynyń odan ári ósýine, ásirese ınvestısııalyq qor ındýstrııasynyń damýyna yqpal ete alady».
Aıta keteıik, «Astana» halyqaralyq qarjy ortalyǵy (AHQO) – bıznesti ashý jáne júrgizý, ınvestısııalar tartý, jumys oryndaryn qurý jáne Qazaqstan ekonomıkasyn damytý úshin qolaıly quqyqtyq jáne retteýshi ortasy ári damyǵan ınfraqurylymy bar táýelsiz ıýrısdıksııa.
