Foto: instagram.com/kris__p__almaty
Aldyn ala boljam boıynsha 78-baǵyttyń júrgizýshisi keri baǵytqa burylý barysynda rýlge ıe bola almaı qalyp, qorshaýdy buzyp ótip Tashkent tas jolynda ketip bara jatqan shaǵyn avtobýstyń ústine qulaǵan.
Aýyr soqqydan shaǵyn avtobýstyń artqy jaǵy julynyp ketken. Al ishinde 7 jolaýshy bolǵan.
Jolaýshylar avtobýsy júrgizýshisi jambas súıegi synyp jan saqtaý bólimine túsken. Shaǵyn avtobýs júrgizýshisi men jolaýshylar medısınalyq tekseristen keıin úılerine jiberilgen.
Oblystyq polısııa jol apatyna qatysty qylmystyq is qozǵady.
«12 qyrkúıekte «Iýtong avtobýsynyń» júrgizýshisi «Almaty-Bishkek» tas jolynyń 25-shi shaqyrymynda kele jatyp, keri burylý manevrin jasap, rýldi basqara almaı, qorshaýǵa soǵylyp, keıin qulap ketkeni anyqtaldy. Kópirden aýdarylǵanda Mercedes Benz Sprinter kóliginiń artqy jaǵyna qulaǵan. Jol apaty kezinde avtobýs júrgizýshisi es-tússiz bolǵan, zardap shekkender joq», delingen Almaty oblysy polısııa departamentiniń habarlamasynda.
