Foto: Sý resýrstary jáne ırrıgasııa mınıstrligi
Jańadarııa kanaly – Syrdarııa ózeniniń sol jaǵalaýynda ornalasqan. Qyzylorda oblysynyń egistik jerlerin, kókónis-baqsha daqyldaryn, tabıǵı jaıylymdaryn, jem-shóp alqaptaryn sýarýǵa arnalǵan. Uzyndyǵy 555,4 shaqyrym, onyń 535,6 shaqyrymy tabıǵı sý arnasy arqyly ótedi.
Ertis-Qaraǵandy – uzyndyǵy 458 shaqyrym. Onyń 272 shaqyrymy Pavlodar oblysy arqyly, 186 shaqyrymy Qaraǵandy oblysynyń aýmaǵynan ótedi. Kanaldyń negizgi qurylystary 22 sorǵy stansııasynyń kómegimen sý 418 metrge, 14 sý qoımasy men 34 kanalǵa kóteriledi. Bir sorǵy stansııasy sekýndyna 18 tekshe metr nemese táýligine 1,5 mln tekshe metr sý ótkize alady.
Arys-Túrkistan – uzyndyǵy shamamen 196 shaqyrym. «Qaraspan» sý qoımasynan «Bógen» sý qoımasyna deıingi Arys kanalynyń uzyndyǵy – 51 shaqyrym. «Bógen» sý qoımasynan bastalatyn Túrkistan kanalynyń uzyndyǵy shamamen 145 shaqyrym.
D.Qonaev atyndaǵy Úlken Almaty kanaly Ile ózeniniń basseıninde ornalasqan. Kanal sýy egis alqabyn sýarý, iri ónerkásiptik, shaǵyn sharýashylyq jáne rekreasııalyq qajettilikter úshin paıdalanylady. Uzyndyǵy 168 shaqyrym. Kanal oblystyń Eńbekshiqazaq, Talǵar, Qarasaı aýdandary arqyly ótip, Almaty qalasyna jetedi.
Qyzylqum kanaly – uzyndyǵy 116,3 shaqyrym. Shardara sý qoımasynan bastaý alyp, Túrkistan oblysynyń soltústik aımaǵyna sý jetkizedi. Kanal 74,3 myń gektardan astam egis alqabyn sýarýǵa, sondaı-aq Shardara sý qoımasynyń tolyp ketý qaýpi tóngen kezde tasqyn sýyn ótkizý úshin paıdalanylady.
