ASTANA. 14 maýsym. О́tken túnde Grýzııa astanasy – Tbılısı qalasynda joıqyn sý tasqyny boldy. Apattyń saldaryn joıý jumystaryna aty ańyzǵa aınalǵan fýtbolshy, búginde Grýzııanyń vıse-premeri, sondaı-aq, energetıka jáne tabıǵı resýrstar mınıstri Kaha Kaladze de belsene qatysýda. Bul týraly tribuna.com habarlady.
Eldiń Qarjy mınıstrligi habarlaǵandaı, tótenshe jaǵdaı saldarynan 18 mıllıon dollar shyǵyn kelgen. Eń ókinishtisi, nóser jaýynnan keıin oryn alǵan apattan 12 adam qaza tapty. Qaıǵyly jaǵdaıǵa baılanysty Grýzııa bıligi 15 maýsymdy qaraly kún dep jarııalady.
Kaha Kaladze Kıevtiń «Dınamosy» (1998-2000 jj.) men «Mılan» (Italııa, 2001-2010 jj.) fýtbol komandalarynda jasyndaı jarqyldaǵan dańqty fýtbolshy. 2012 jyly úlken sportpen qoshtasqan ol saıasatqa aralasyp, el bıliginiń bir tutqasyn ustady. Sodan beri Otanyna qaltqysyz qyzmet etip keledi.
Elaman Qońyr.
Derek, sýret: tribuna.com.
