Sýret: ashyq derekkózden
Qazaqstan men Túrkııa qorǵanys salalarynyń basshylary general-polkovnık Rýslan Jaqsylyqov pen Iаshar Gıýler ózara is-qımyldy keńeıtýge umtylysty rastaı otyryp, ekijaqty yntymaqtastyqtyń qarqyndy damýyn atap ótti. Keńeıtilgen quramdaǵy kelissózder barysynda taraptar áskerı-tehnıkalyq yntymaqtastyq, jaýyngerlik daıyndyq jáne áskerı bilim berý máselelerin talqylady.
– Búginde eki el qorǵanys vedomstvolary arasynda qyzmettiń kóptegen baǵyty, sonyń ishinde qorǵanys-ónerkásip kesheni boıynsha tyǵyz qarym-qatynastar damyǵan. Qazaqstannyń áskerı qyzmetshileri Túrkııa aýmaǵynda ótkiziletin «Efes» jáne «Qysh» jattyǵýlaryna turaqty negizde qatysyp keledi. Bizdiń kýrsanttar Túrkııanyń áskerı joǵary oqý oryndarynda bilim alady. Jyl saıyn eki eldiń áskerı qyzmetshileri arasynda ózara tájirıbe almasý júrgiziledi. Sizdiń búgingi saparyńyz ekijaqty yntymaqtastyqty damytýǵa jańa serpin beredi dep oılaımyn, – dedi Qazaqstannyń Qorǵanys mınıstri R.Jaqsylyqov.
О́z kezeginde Iа.Gıýler qorǵanys vedomstvolary arasyndaǵy áriptestiktiń qarqyndy damyǵanyna toqtalyp, jylyshyraı qabyldaǵany úshin rızashylyǵyn bildirdi.
– Bizdiń qarym-qatynasymyz ortaq tarıhymyz ben ózara túsinistikke negizdelgen. Qazaqstan Ortalyq Azııadaǵy senimdi seriktesimiz. Biz oqý-jattyǵýlarymyzda Qazaqstan áskerı qyzmetshileriniń joǵary daıyndyq deńgeıin erekshe atap ótemiz. Osy baǵyttaǵy ózara is-qımyldy arttyrýǵa múddelimiz. Sonymen qatar Túrkııa Qarýly kúshteri jaýyngerlik daıyndyq, áskerı bilim berý jáne qorǵanys-ónerkásip kesheni máselelerindegi yntymaqtastyqty tereńdetýge nıetti, – dep atap ótti Iа.Gıýler.
Túrkııa Qorǵanys mınıstri qurmetti qonaqtar kitabyna jazba qaldyrdy. Ol seriktestik qatynastardy damytýǵa ózara umtylystyń belgisi retinde Qazaqstan Qorǵanys mınıstrligi ǵımaratynyń janyndaǵy «Dostyq alleıasyna» aǵash otyrǵyzdy.
