Aqtóbede qazaq tazylarynyń kórmesi ótti

AQTО́BE. 15 maýsym. Aqtóbede qazaq tazysynyń kórmesi ótti. Oǵan óńirdegi 20 tazy qatystyryldy. Bul týraly egemen.kz tilshisi habarlady. Qazirgi tańda oblysta 50-ge jýyq qazaqy tazy bar. Shymkenten kelgen kınolog Nına Iаsızova Aqtóbeniń tazylaryn ózara jarystyryp kórdi. Dene bitimin, aıaq súıekterin, tisin, tyrnaǵyn baıqap, qandarynyń tazalyǵyna nazar aýdardy. Barlyq talapqa saı kelgen Talǵat Ermaǵanbetovtiń 3 jasar Lashyny kórme jeńimpazy atandy. Lashynnyń osyǵan deıin de eki márte oblystyq jarysta júldeger bolǵanyn aıta keteıik. Ekinshi, úshinshi oryndardy Qumaı jáne Aqtaban atty tazylar bólisti. Kórmeni uıymdastyrýshylardyń málimdeýinshe, Aqtóbeniń qany taza 15 ıti Qazaqstan kınologtar odaǵynyń tirkeýine alynǵan. Bul birlestiktiń aldaǵy maqsaty – tazy sanyn kóbeıtý jáne tuqymyn asyldandyrý, sondaı-aq, búkilálemdik kınologtar odaǵyna kirý. «Qan sonarda» qoǵamdyq birlestigi kúzge salym taǵy da tazy ósirýshilerdiń kórmesin ótkizýdi josparlap otyr. Satybaldy Sáýirbaı. Derek: egemen.kz. Sýret: kerekinfo.kz.