Foto: Atyraý oblysynyń ákimdigi
Aıta keteıik, Atyraý oblysynda 1 367 múmkindigi shekteýli jan sportpen shuǵyldanady. Onyń ishinde 16 para-sportshy Parıjde ótken Paralımpıada oıyndarynda paradzıýdo, parataekvondo, otyrý voleıbol, para-ústel tennısi jáne para-jeńil atletıka boıynsha baq synaǵan edi.
Úzdik bestik qatarynan parataekvondodan Nurlan Dombaev pen parajeńil atletıkadan Gúlbaqyt Qaıyrjanova kórindi. Al voleıboldy otyryp oınaýdan ulttyq quramanyń sapyna atyraýlyq Qýanysh Tájikov, Baýyrjan Sartaev, Perdebaı Namuratov, Aqylbek Shikibaev, Berik Izmaǵanbetov, Janǵalı Súıeýov, Nurtaý Muqanbetqalıev pen Erlan Bıtemirov kirdi. Olar komandamen birge besinshi oryndy enshiledi.
Paradzıýdodan baq synaǵan 5 paradzıýdoshynyń ekeýi, atap aıtsaq Zarına Raıfova men Jurqamyrza Shúkirbekov Paralımpıadanyń qola júldesin utyp alǵan.
Serik Shápkenov oblys sportynyń damýyna qosqan úlesi úshin sportshylarǵa alǵys hattar men aqshalaı sertıfıkattardy tabystaǵan.
«Sizder Parıj Paralımpıadasyndaǵy jetistikterińizben jastarǵa úlgi kórsettińizder. Atyraý jurtshylyǵy da el namysy jolynda aıanbaı ter tógip, bıik maqsatqa kóz tikken ózderińizdi maqtan tutady. Alda alar asý bıik bolyp, júldelerińiz kóbeısin», dedi oblys ákimi Serik Shápkenov.
«Infinity Eco Park» kompanııasy Paralımpıada oıyndarynyń qola júldegerleri Zarına Raıfova, Jurqamyrza Shúkirbekov jáne olardyń bapkeri Jandos Qııanovqa Zeekr markaly avtokólikterdiń kiltterin tabystady.
