Ortalyq Prezıdent janyndaǵy Ulttyq ǵylym akademııasy men Qazaqstan-Nemis ýnıversıtetiniń (QNÝ) seriktestigi negizinde quryldy.
Ashylý resimi Prezıdent janyndaǵy Ulttyq ǵylym akademııasynyń prezıdenti, professor, doktor Aqylbek Kúrishbaev pen Qazaqstan-Nemis ýnıversıtetiniń prezıdenti, professor, doktor Volrad Rommeldiń quttyqtaý sózderimen bastalyp, ortalyqtyń eki el arasyndaǵy ǵylymı baılanystardy keńeıtýge, birlesken zertteý jobalaryn júzege asyrýǵa jáne ǵylym men tehnologııanyń túrli salalaryna ınnovasııalardy engizýge strategııalyq mańyzdylyǵyn atap ótti.
Akademııanyń jańartylǵan ǵımaratynda júzege asyrylǵan alǵashqy halyqaralyq joba retinde KGRCC-tiń ashylýy akademııa tarıhynda erekshe mańyzǵa ıe bolmaq.
Rásimge Qazaqstan men Germanııanyń ǵylymı jáne bilim berý salalarynyń joǵary dárejeli ókilderi, sonyń ishinde Ulttyq ǵylym akademııasy men Qazaqstan-Nemis ýnıversıtetiniń basshylyǵy qatysty. Is-shara Nemis zertteý qoǵamynyń (DFG) halyqaralyq baılanystar bóliminiń jetekshisi, doktor Iorg Shnaıder bastaǵan delegasııamen jumys kezdesýimen jalǵasty. Germanııanyń ǵylymı ózin-ózi basqarý uıymy retinde tanylǵan DFG ýnıversıtetter men ǵylymı-zertteý mekemelerindegi ǵylymı jobalardy qarjylandyrý arqyly ǵylymnyń barlyq salalaryna qoldaý kórsetedi. Sonymen qatar jas ǵalymdardy qoldaý men ǵylymdaǵy genderlik teńdikti qamtamasyz etýge erekshe kóńil bólinedi.
Kezdesý barysynda Qazaqstan men Germanııa arasyndaǵy ǵylymı yntymaqtastyqty keńeıtý perspektıvalary, birlesken zertteý jobalaryn qarjylandyrý jáne eki el ǵalymdary úshin jelilik bastamalardy qurý múmkindikteri talqylanyp, Qazaq-Nemis ǵylymı-zertteý yntymaqtastyq ortalyǵyn (KGRCC) qurý týraly resmı kelisimge qol qoıyldy.
KGRCC ozyq zertteý jobalaryn júzege asyrýǵa, Qazaqstan men Germanııa arasyndaǵy akademııalyq jáne ǵylymı baılanystardy nyǵaıtýǵa, sondaı-aq uzaq merzimdi halyqaralyq ǵylymı áriptestikterdi damytýǵa baǵyttalǵan platformaǵa aınalary sózsiz.
ALMATY
