PAVLODAR. 12 maýsym. Ekibastuzda qala kúni keń kólemde toılandy. Mereke aıasynda turǵyndar jergilikti óner ujymdary uıymdastyrǵan «Meniń qalamnyń boıaýlary» atty oıyn-saýyq baǵdarlamasyn tamashalady. Bul týraly egemen.kz tilshisi habarlady.
«О́ner» qalalyq mádenıet ortalyǵynda ótken sharada «Ýlybka» ÚHA, «Do mı sol» vokaldy toby, «Tumar» ishekti aspaptar ansambli jáne «Serpantın» sport klýby óner kórsetti. Sondaı-aq, eń jas kórermender úshin «Meniń súıikti qalam» atty asfaltta sýret salý baıqaýy uıymdastyryldy.
1957 jyly boı kótergen Ekibastuzda qazir 150 myńnan asa halyq turady. Qala aýmaǵyna qarasty 30 aýylda tek 9,4 myń turǵyn qaldy. Oblys ortalyǵynan 144 shaqyrym jerde ornalasqan eldi mekenniń ekonomıkasyn negizinen aýyr ónerkásip quraıdy.
Ekibastuzdyqtar álemge aty málim qalamyz bar dep maqtan etedi. Merekelik kesh barysynda hıp-hop jáne breık-dans boıynsha «BREIK PARTY» batly ótti. Bıshiler «Junior 3x3», «Kids 1x1» jáne «V girl» nomınasııalary boıynsha jarysty.
Farıda Byqaı.
Derek, sýret: egemen.kz.
