Foto: gov.kz
Anyqtalǵandaı, balabaqsha esepshisi 2021-2023 jyldary jalaqysyna koeffısıentin jasandy túrde arttyryp, banktegi shotyna jalpy somasy 15 mıllıonnan astam teńge aýdarǵan.
Sottalýshy sotta bul qylmysqa qaryzyn óteý maqsatynda barǵanyn túsindirgen.
Aıyptalýshynyń kinási onyń moıyndaýymen, kýágerdiń aıǵaqtarymen, saraptama qorytyndylarymen, tólem qujattarymen, sotta zerttelgen tergeý jáne jasyryn tergeý áreketteriniń hattamalarymen rastalǵan.
«Shynaıy ókinýi, keltirilgen zııandy tolyq óteýi jáne asyraýynda úsh kámeletke tolmaǵan balanyń bolýy jaýapkershilikti jeńildetetin mán-jaılar dep tanyldy. Sottalýshy QK-niń 189-babynyń 4-bóliginiń 2) tarmaǵymen kináli dep tanylyp, 7 jylǵa bas bostandyǵynan jáne 10 jylǵa memlekettik jáne kommersııalyq uıymdarda taýarlyq-materıaldyq qundylyqtarǵa bılik etýmen baılanysty laýazymdardy atqarý quqyǵynan aıyryldy. QK-niń 63-babyna súıene otyryp, probasııalyq baqylaý belgilenip, taǵaıyndalǵan jaza shartty dep esepteledi», delingen habarlamada.
Úkim zańdy kúshine endi.
