foto QR Saýda jáne ıntegrasııa mınıstrligi
Vıse-mınıstrdiń aıtýynsha, bul barlyǵyna birdeı qoıylatyn talap. Talapty oryndamaǵandarǵa ákimshilik jaza qoldanylady.
«Memlekettik qoldaýǵa ıe bolǵan bıznes ókilderi 30 paıyzǵa taǵy 20-ny qosýǵa mindetti. Iаǵnı sórelerdiń 50 paıyzynda Qazaqstanda óndirilgen azyq-túlik taýarlary jáne 20 paıyzynda azyq-túlikke jatpaıtyn taýarlar bolýy tıis. Bul otandyq óndirýshilerdi qoldaýǵa múmkindik beredi», dedi Aıjan Bıjanova.
Onyń aıtýynsha, bıyl ishki saýda sýbektileri úshin nesıelerdi arzandatýǵa, sonyń ishinde saýda nysandaryn salý men jańǵyrtýǵa 4 mlrd teńge bólingen. Onyń ornyna ishki saýda sýbektileri otandyq ónim shyǵarýdy yntalandyrýy kerek.
Sondaı-aq ol eksport pen ımport arasyndaǵy saýda teńgeriminiń jaqsarǵanyn atap ótti. Onyń ishinde shıkizattyq emes eksporttyń ósýi men ımporttyń tómendeýi bar. 2024 jyly eksporttalatyn ónim jelisi jáne jańa áriptes elderdiń sany keńeıgen. Elektrondyq saýda da belsendi damyp jatyr.
Saýda mınıstrligi naryqtardyń zamanaýı ınfraqurylymyn qalyptastyra otyryp, ishki saýdany jańǵyrtý boıynsha jumys júrgizip jatyr. 2025 jylǵa qaraı Qazaqstannyń barlyq bazarlary jańǵyrtylýy tıis.
