Foto: Halyq Uni
Vıse-premer 2024 jylǵy sý tasqyny 120 myńnan astam adamnyń ómirine áser etkenin atap ótti.
Memleket tarapynan zardap shekkenderge barlyq qajetti kómek kórsetilip, baspanasyz qalǵandar úshin evakýasııalyq pýnktter uıymdastyrylǵan.
Aıta keterligi, 34 myńnan astam otbasy jalpy somasy 12,6 mlrd teńgege 100 AEK mólsherinde birjolǵy tólem alǵan. Sonymen qatar zardap shekken 21 880 otbasy úshin jalpy somasy 10 mlrd teńgege 150 AEK mólsherinde keltirilgen materıaldyq zalal ótelgeni habarlandy.
Sonymen qatar sý tasqyny saldarynan shaǵyn jáne orta bıznes sýbektilerine keltirilgen múlik shyǵyndarynyń ótemaqysy retinde maquldanǵan 615 ótinish boıynsha 10,2 mlrd teńgeden astam qarajat tólengen.
«Shaǵyn jáne orta bıznestiń shyǵyndaryn óteý jónindegi Erejeniń kúshi 2025 jyldyń sáýirine deıin uzartylady. Budan basqa, AО́K sýbektilerine keltirilgen zalaldy óteý úshin shamamen 3,15 mlrd teńge bólindi», delingen habarlamada.
