Kezdesýge qatysýshylar agrarlyq salanyń qazirgi jaǵdaıy men damý keleshegin, mamandar daıarlaý, aýdan halqynyń densaýlyǵyn jaqsartý, medısınalyq qyzmetterdiń sapasyn arttyrý, sondaı-aq Qazaqstannyń atom energetıkasyn damytý jaıyn talqylady.
Senator atom energııasy elektr qýatyn óndirýdiń senimdi jáne únemdi kózi retinde aýyl sharýashylyǵynyń tıimdi jumys isteýi, onyń ishinde sýarý júıesi men jylyjaı jáne basqa da saladaǵy óndiristerde mańyzdy ekenin atap ótti. Nátıjesinde aýyl sharýashylyǵy ónimderi halyqqa qoljetimdi baǵamen satylatyn bolady.
«AES qurylysy býlaný gazdarynyń shyǵaryndysyn azaıtýǵa jáne ekojúıeniń turaqtylyǵyn saqtaýǵa múmkindik beredi. Qazaqstan ýran óndirýde álemdik kóshbasshy bolǵandyqtan atom energetıkasyn damytýǵa zor múmkindigi bar. Bul bıznes úshin de, halyq úshin de ekologııalyq jáne ekonomıkalyq paıda ákeledi», dedi Álı Bektaev.
