Jarystar kúndeligi: Aýyr atletıka: Edige – álem chempıony!

Álem chempıonatyna Jetisý oblysynan Sergeı Chýev (61 kg), Matveı Makrýshkın (96 kg), Danıl Betehtın (102 kg), Maksım Varı­voda (109 kg), Qyzylorda oblysynan Er­asyl Sáýlebekov (81 kg), Astana qala­synan Edige Egemberdi (89 kg), Shyǵys Qazaq­stan oblysynan Temirlan Oqashev

(102 kg), Shymkent qalasynan Sanjar Joltaı (+109 kg) attanǵan bolatyn. Qyzdar synynda tek 59 kg salmaqta Valerııa Iva-nova (Jetisý oblysy) kúshin synady.

Qyzylordalyq Erasyl Sáýlebekov álem chempıonatynda óziniń tegeýrindi ekenin tanytty. 17 jastaǵy ulan serpe kóterý saıy­synda 154 kg ziltemirdi aýyrsynǵan joq. Julqı kóterýde 190 kg salmaqty eńserdi. Qos­saıys qorytyndysynda qola medal buıyr­sa, álem chempıony ataǵy koreı atleti Kvon Da Hıdiń enshisine jazyldy, kúmis medaldi mysyrlyq Elsaıd oljalady.

Ispanııa elinde ánuranymyzdy shyr­qatyp, kók týymyzdy jelbiretken Edige Egemberdi kelesheginen kemel úmit kúttiretin talantty sportshy ekenin kórsetti. Serpe kóterý dodasynda 153 kg tartatyn ziltemirdi kóterse, julqı kóterýde 199 kg salmaqty aýyrsynǵan joq. Eki jyl buryn 20 jasqa deıingi aýyr atletter arasyndaǵy álem chempıonaty Grekııada ótkende 89 kg salmaqta altyn medal oljalaǵan ýkraınalyq sport­shy Maksım Dombrovskıı qossaıysta 345 kg nátıjege jetken edi. Bizdiń Edigeniń kórsetkishi – 352 kg! Serpe kóterý dodasynda jerlesimizdiń aldyn oraǵan ırandyq Alıreza Abaspýr julqı kóterýde álsizdik tanytyp, kúmis júldeni mise tutty. Qola medal kolýmbııalyq Djokser Albornosqa buıyrdy.

2028 jyly Los Andjeleste (AQSh) ótetin jazǵy Olımpııa oıyndarynda el eńsesin Edige bastaǵan oǵlandar kóteredi dep senemiz.

Boks: Tájirıbe men talant tartysy

Qaraǵandy qalasynda bokstan áıel­der arasynda «Myqtylar týrnıri» jalaýyn jelbiretti. Keshe birinshi kezeń jek­pe-jekter ótip, boksshy qyzdar alǵash ret dýlyǵasyz aıqasty. Burymdylar 12 salmaq dárejesi boıynsha baq synaıdy.

Qazaqstan boks federasııasy týrnırdiń ashyq ári ádil bolýyna bar múmkindikti týdyryp, tikeleı kórsetilim uıymdastyryp, ádil tórelik etýge de kúsh salyp otyr. Sebebi osy týrnırdiń qorytyndysy boıyn­sha qarasha aıynda Iordanııada ótetin Azııa chempıonatyna qatysatyn boksshylar anyq­talmaq. Budan bylaı áıelder boksynan halyqaralyq, álemdik týrnırler dýlyǵasyz ótedi. Boksshylarymyz jańa erejege boı úıretip, jatyrqamaýy úshin de osy dodada dýlyǵa kıgen joq.

Álem chempıony, Parıj Olım­pıadasyna qatysýshy Valentına Halzova alǵashqy aınalymda sátti judyryqtasty. О́zinen on jas kishi, jastar arasynda Azııa chempıony atanǵan Shuǵyla Nálibaıdan basym tústi.

Qaraǵandy rınginde sensasııalyq nátı­je de tirkeldi. Jeltoqsan aıynda 35 jasqa tolatyn álem chempıonatynyń qola júl­degeri, eki dúrkin Azııa chempıony, Rıo jazǵy Olımpıadasynyń (2016) qatysýshysy Jaına Shekerbekova «Myqtylar týrnırin» támamdady. Birinshi jekpe-je­ginde shym­kenttik Elına Bazarovaǵa qarsy aıqasqan tájirıbeli boksshyny kúshi de, mysy da basym jas óren jeńip ketti.

Asa aýyr salmaqta Lázzat Kúngeıbaeva da osy dodaǵa qatysady. 2014 jyly ótken álem chempıonatynyń fınalynda súrinip, kúmis medaldi mise tutyp, 2016 jyly As­tanada ótken dúnıejúzilik dodanyń chempıony atanǵan sańlaq jastardyń qarymyn baıqap kórýge bel býyp otyr.

Fýtbol: Bas bapker tizimdi jarııalady

Fýtboldan ulttyq qurama ÝEFA Ult­tar lıgasy aıasyndaǵy kezekti tarty­syn qazan aıynda ótkizedi. 10 qazan kúni Aýs­trııaǵa barsa, 13 qazanda Almaty qala­synda Slovenııa ulttyq quramasyn qabyldaıdy. Bas bapker Stanıslav Cher­chesov mańyzdy matchtarǵa shaqyrtý alǵan fýtbolshylardyń tizimin túzdi.

Qaqpashylar: Igor Shaskıı («Aq­tóbe»), Aleksandr Zarýskıı («Astana»), Stas Po­ka­tı­lov («Tobyl»), Bekhan Shaızada («Or­dabasy»).

Qorǵaýshylar: Sergeı Malyı, Sul­tanbek Astanov («Ordabasy»), Roman Asrankýlov, Erkin Tapalov («Tobyl»), Aleksandr Maroch­kın, Iаn Vorogovskıı, Marat Bystrov («As­tana»), Mıhaıl Gabyshev («Elimaı»), Álibek Qasym («Aqtóbe»), Nuraly Álip («Zenıt», Re­seı), Lev Skvorsov («Shınnık», Re­seı), As­hat Baltabekov («Jetisý»), Ular Jaqsy­­­baev («Qyzyljar»), Ádilbek Juma­hanov («Atyraý»).

Jartylaı qorǵaýshylar: Ashat Taǵy­bergen, Baýyrjan Islamhan, Aı­bol Ábiken («Or­dabasy»), Ramazan Ora­zov («Sılkeborg», Danııa), Maksım Samoro­dov («Ahmat», Re­seı), Arman Keńesov («Aq­tóbe»), Aslan Da­ra­baev («Elimaı»), Baq­tıer Zaınýtdınov («Be­shıktash», Túr­kııa), Islambek Qýat, Abzal Beı­sebekov («As­tana»), Islam Chesnokov («To­byl»), Andreı Ýlshın («Qaırat»);

Shabýylshylar: Abat Aıymbetov («Ada­na Demırspor», Túrkııa), Aıbar Jaq­sy­lyqov («Qaısar»), Jan-Álı Paırýz («Elim­aı»), Elhan Astanov, Ramazan Kárimov («As­tana»), Artýr Shýshenachev («Sochı», Reseı).

Ulttyq qurama oıynshylary oqý-jat­tyǵý jıynyn 5-9 qazan aralyǵynda Aýs­trııanyń Krems qalasynda ótkizedi de 10 qazan kúni Lıns qalasyndaǵy «Raıf­faızen Arena» stadıonynda jer­gilikti ulttyq quramaǵa qarsy oınaıdy. Buǵan deıin eki qurama 2010-2012 jyldar ara­lyǵynda Álem jáne Eýropa chempıonattaryna irikteý aıasyn­da 4 márte tartysqa tústi. Eki machta Aýs­­trııa fýtbolshylarynyń mereıi ústem bol­sa, ózimizde ótkizgen eki oıynda teń tar­qasty.