Osy bes zaýyttyń ishinde ónimderin halyq kúnbe-kún kórgen jalǵyz óndiris orny – S.Kırov atyndaǵy mashına jasaý zaýyty. О́ıtkeni kásiporyn áskerı ónimdermen qatar jastar ustaýǵa laıyqty magnıtofondar da shyǵaratyn.
1941 jylǵy qarashada Reseıdiń Ivanov oblysyndaǵy Aleksandrov qalasynan osy zaýyt mamandarymen jáne jabdyqtarymen birge Petropavlǵa kóshirilgen. Buryn da birneshe zaýytty adamdarymen birge qabyldap, murnynan shanshylyp júrgen qala basshylary jergilikti turǵyndardy taǵy da qonystarynan qysa túsip, zaýyttyń myńǵa jýyq jumysshysy men mamanyna áreń oryn taýyp beredi.
Qyryq ekiniń saqyldaǵan sary aıazynda, kúnine 16-18 saǵat jumys istegen zaýyt jumysshylary aqpan aıynda ashyq aspan astynda alǵashqy ónimderin bere bastaıdy. Bular armııaǵa asa qajetti radıoqabyldaǵyshtar men radıopelengatorlar edi. Ásirese radıopelengatorlar radıotolqyndardyń (RDF) shyǵyp jatqan kózin anyqtaýǵa óte paıdaly. Antennasy soraıǵan radıopelengator arqyly jaýdyń turaǵy ǵana emes, sózderi de anyqtalatyn. Keıin olar qutqarý-izdeý operasııalarynda, radıobarlaýda turaqty qoldanyla bastady.
Soǵystan keıingi jaımashýaq jyldarda jastar onyń «Romantık» magnıtofonymen jappaı «dos» boldy. Aýyl klýbtarynda, daladaǵy qostarda, tabıǵat aıasyndaǵy demalystarda án tyńdaý, bı bıleý osy magnıtofon kómegimen atqarylatyn. Sol jyldarda qolyna «Romantık» ustap júretin jigitter serilerdiń serisindeı kórinip, boıjetkender ondaılarǵa kóńil aýdarmaı qalmaıtyn.
Al sol magnıtofondar búkil odaq boıynsha tek eki qalanyń zaýytynda shyǵaryldy. Biri Gorkıı (qazirgi Nıjnıı Novgorod) bolsa, ekinshisi Petropavldyń S.Kırov atyndaǵy zaýyty edi. Osynyń ózi Qazaqstan zaýytynyń dańqyn aspanǵa shyǵardy. «Romantık» alý úshin Petropavldyń radıo-tehnıkalyq dúkenderine odaqtyń túkpir-túkpirinen jastar aǵylyp jatýshy edi.
Qazir zaýyt «S.Kırov atyndaǵy zaýyt» AQ dep atalyp, «Qazaqstan ınjınırıngtiń» bir fılıaly retinde jumys istep jatyr. О́nimderiniń spektri ártúrli. KLÝB jáne RVS radıostansııasynan bastap BÝShK-2M shtangalyq munaı aıdaýdy basqarý blogine deıin shyǵarady. Qazir munda zamanaýı tehnologııanyń qulaǵynda oınaıtyn bilikti mamandar jumys isteıdi. Qyzmetker sany myńǵa jýyqtaıdy. О́nimderge syrttyń qyzyǵýshylyǵy da orasan. Máselen, ZIK dep atalatyn kompıýterdiń qýaty men sapasy álemdik brendterden bir mysqal kem emes. 2016 jyldan beri zamanaýı basý platyn da shyǵarýǵa kiristi. Qazir zaýyt – 4-shi jáne 5-shi dáldiktegi basý platyn ıgergen eldegi jalǵyz kásiporyn.
Sonymen qatar, zaýyt stasıonarlyq jáne jyljıtyn nysandardyń «Konvoı-P» atty kúzet júıesiniń dabylyn óz kúshterimen oılap shyǵarǵan. Eger kúzetiletin nysanǵa syrttan qol suǵylsa avtomatty keshen jumysqa kirisedi. Ony temirjoldyń jyljymaly quramdaryna da qoıýǵa bolady.
Munaı-gaz sektorynyń jumysyna arnalǵan ÝZD-7NK baǵdarlamalyq-apparattyq kesheni atty ónim munaı ken oryndarynda terbeletin stanoktardy elektr toǵynyń qatty qysymdaryn baqylaý arqyly qorǵaýǵa arnalǵan. Ol BÝShK-2 basqarý blogi bazasynda jaqsy jumys istep, tutynýshylar kóńilinen shyqty.
Bulardan bólek, rezıno-tehnıkalyq ónimder, jeńil metall konstrýksııalyq buıymdar, óndiristik maqsattaǵy tele-radıo apparatýralar, elektrondyq prıborlardy naryqqa usynyp otyr. Jyl saıyn memleket bıýdjetine 1 mlrd teńgege jýyq salyqtyq túsim túsiredi.
Soltústik Qazaqstan oblysy
