Foto: el.kz
Isti qaraý aıasynda Joǵarǵy Sottyń ákimshilik ister jónindegi sot alqasy bilim berý mekemesinde oramal taǵýdyń zańdylyǵy jónindegi máseleni talqylaýǵa aralaspaǵan.
Kassasııalyq saty mekteptiń oqýshyny sabaqqa jibermeýin zańsyz dep tanyǵan, óıtkeni bilim alý quqyǵy Qazaqstan Respýblıkasy azamattarynyń negizgi konstıtýsııalyq quqyqtarynyń biri.
« Sondaı-aq ata-analar mektep jarǵysy men mektep formasyna qoıylatyn talaptardy saqtaý mindetine jaýapty ekenin atap ótemiz. Bul rette ata-analardyń balalardy tárbıeleý men bilim berý, olardyń quqyqtary men múddelerin qorǵaý jónindegi ózderine alǵan jáne zańda belgilengen, onyń ishinde Ákimshilik quqyq buzýshylyq týraly kodekste kózdelgen mindetterdi oryndamaýy jaýaptylyqqa ákep soǵady», delingen habarlamada.
Aıta keteıik, beıindi Mınıstrlikte orta bilim berý uıymdary úshin mindetti mektep formasyna qoıylatyn talaptardy bekitý jónindegi ókilettikter bar. Mınıstrdiń tıisti buıryǵy zańsyz dep tanylmaǵan jáne kúshi joıylmaǵan.
