Foto: ru.freepik.com
Nurtóre Júsip óz sózinde Qazaqstannyń energetıkalyq qaýipsizdigin nyǵaıtýda atom energetıkasynyń áleýeti zor ekenin atap ótti. Ýrannyń baı qoryna ıe jáne óziniń ıadrolyq baǵdarlamasyn damytýda tıimdi pozısııada turǵan elimizdiń jer qoınaýynan alynatyn otynǵa táýeldilikti azaıtýǵa jáne energetıka salasyn ártaraptandyrýǵa múmkindigi bar. Depýtat atom energetıkasyna salynǵan ınvestısııa Qazaqstannyń energetıkalyq táýelsizdigin aıtarlyqtaı nyǵaıta alatynyn jáne býlaný gazdary shyǵaryndysyn azaıtý esebinen ornyqty damý maqsatyna qol jetkizýge múmkindik beretinin atap ótti.
«Atom energetıkasynyń bolashaǵy zorekeni baıqalyp otyr. Buryn kúmánmen qaraǵan kóptegen elder qazir óz kózqarastaryn qaıta qarap, ony jańartylatyn energııa kózderine mańyzdy qosymsha dep sanaıdy. Atom energetıkasy osy salada joǵarydeńgeıdegi qaýipsizdikti qamtamasyz etedi jáne sonymen birge taza ekologııalyq sheshim bolyp tabylady. AES qurylysy elimizge óz elektr energııasyn óndirýge múmkindik beredijáne barlyq óńirdi energııamenqamtamasyz etý deńgeıin arttyrady. Bul alǵa jasalǵan eleýli qadam bolady. Atom energııasy kómir men gazǵa qaraǵanda áldeqaıda qýatty, odan qaldyq az shyǵady jáne qorshaǵan ortany qorǵaýǵa da járdemdesedi. Ol óńirlerdi damytýǵa jáne energetıkalyq táýelsizdigin nyǵaıtýǵa yntalandyrýǵa yqpal etedi», dedi Nurtóre Júsip.
Kezdesýge qatysýshylar AES salý kezinde zamanaýı tehnologııany qoldaný, qaldyqtardy kádege jaratý, kadr áleýetin qalyptastyrý jáne stansııaǵa qyzmet kórsetý úshin jańa jumys oryndaryn ashý máselelerin kóterdi.
