Generative Nation qozǵalysy jetekshilik etetin is-shara Astana, Almaty, Shymkent, Qaraǵandy sekildi iri qalalarda jáne basqa da aımaqtyq ortalyqtarda ótedi. Qatysýshylar qomaqty aqshalaı júlde úshin básekege túsip, salanyń jetekshi kompanııalaryna jobalaryn tanystyrýǵa jáne IT mamandarynyń jetekshiligimen bilim men praktıkalyq daǵdylar alýǵa múmkindik alady.
«Decentrathon – Qazaqstannyń barlyq óńirlerin qamtıtyn alǵashqy aýqymdy IT-oqıǵa. Bizdiń maqsatamyz óńirlerdegi jas talanttarǵa tehnologııalar men jasandy ıntellekttiń damýyna óz úlesin qosýǵa múmkindik berý», dep atap ótti QR Sıfrlyq damý, ınnovasııalar jáne aeroǵarysh ónerkásibi mınıstri Jaslan Madıev.
BAITC dırektory Aıdana Qasqyrbek aıtýly oqıǵaǵa qatysty pikir bildirdi.
«О́tken jyly biz qatysýshylarymyzdyń keremet áleýetin kórdik, bıyl Qazaqstannyń barlyq óńirinen kelgen talanttar bizdi taǵy da jobalarymen tań qaldyrady dep kútemiz. Hakatondar elde AI qaýymdastyǵyn qurýǵa múmkindik beredi», dedi BAITC dırektory Aıdana Qasqyrbek.
