M.Áshimbaev pravoslavtardy atalǵan mańyzdy oqıǵamen quttyqtap, Qazaqstanda azamattarǵa ózderiniń dinı jáne rýhanı qajettilikterin iske asyrýy úshin barlyq jaǵdaı jasalyp jatqanyn atap ótti. Álemdik jáne dástúrli dinder kóshbasshylary Sezi hatshylyǵynyń basshysy pravoslavıe elimizdegi birlik pen kelisimdi nyǵaıtýda mańyzdy ról atqaratynyna da nazar aýdardy. Sondaı-aq dinı qyzmetkerler jalpyadamzattyq rýhanı qundylyqtardy saqtaýǵa jáne dáripteýge eleýli úles qosyp otyrǵany aıtyldy.
Qasıetti Máskeý Matronasynyń jádigerlerin Qazaqstanǵa ákelý de osy mańyzdy kúnge oraı uıymdastyrylǵanyn atap ótken jón. Bul kıeli muralardy 27 qyrkúıek pen 4 qarasha aralyǵynda Qazaqstan Mıtropolıttik okrýginiń barlyq eparhııasyna aparý kózdelip otyr.
Saltanatty is-sharaǵa Astana jáne Qazaqstan mıtropolıti Aleksandr, búkil Belarýs Patrıarhy Ekzarh, Mınsk jáne Zaslavskıı Mıtropolıti Venıamın, Ekaterınbýrg jáne Verhotýr Mıtropolıti Evgenıı, sondaı-aq basqa da rýhanı ókilder men shirkeý qyzmetshileri qatysty.
