Foto: Syrtqy ister mınıstrligi
Syrtqy ister mınıstrliginiń habarlaýynsha, 15 jyl buryn dál osy kúni Nahchyvan qalasynda Túrkitildes memleketterdiń yntymaqtastyq keńesin qurý týraly kelisimge qol qoıylyp, keıin ol Túrki memleketteri uıymy (TMU) bolyp ózgergen.
Mınıstrlik málimetinde: «Salystyrmaly túrde qysqa merzimde TMU ózin beıbitshilik pen turaqty damýdy nyǵaıtýǵa úles qosýǵa umtylatyn halyqaralyq qatynastardyń tolyqqandy jáne bedeldi sýbektisi retinde jarııalaı aldy. Túrki ıntegrasııasy tranzıt jáne kólik, ekonomıka, ekologııa, ǵylym, bilim, óner, týrızm, sport máselelerinen bastap qomaqty gýmanıtarlyq blokpen aıaqtalatyn keń aýqymdy yntymaqtastyqty qamtıdy», delingen.
Qazaqstan TMU qyzmeti aıasynda ıntegrasııany damyta otyryp, Uıymnyń bastamashysy jáne negizin qalaýshy memleketterdiń biri.
Buǵan túrki elderiniń birligi men yntymaqtastyǵyn nyǵaıtýǵa baǵyttalǵan, segiz basymdyqty qamtıtyn «TURKTIME!» uranymen qabyldanǵan Qazaqstannyń TMU-daǵy tóraǵalyǵynyń baǵdarlamasy dálel.
