Osydan bir apta buryn ózim tirkelgen ýchaskelik bólimge arnaıy baryp, aty-jónimniń tizimde turǵanyn tekserip kelgen edim. О́zim mundaı nársege muqııat qaraımyn. О́ıtkeni erterekte páter tirkeýi ózgergende tizimnen tabylmaı, saılaýǵa qatysa almaı qalǵanym bar. Sol kúngi sezimim – óte mańyzdy is-sharadan syrt qalǵandaı, kóshten qalyp qoıǵandaı bolǵanym áli esimde.
Kózimiz qaraqty, qazir izdengen adamǵa qaı taqyrypta da tolyq málimet, anyq aqparat alýyna múmkindik bar. Sondyqtan Qazaqstan azamattary, ásirese jastar jaǵy eldiń bolashaǵy talqyǵa túsken sátte beı-jaı, beıtarap qalmaýy kerek dep esepteımin. Bárimiz tilge tıek etetin batystyq demokratııa, azamattyq qoǵam tek osyndaı belsendi árekettiń arqasynda ǵana qalyptasady.
Turmaǵambet shaıyr atań aıtpaı ma:
Aqyl – ton, ańdaǵanǵa tozbaıtuǵyn,
Ǵylym – ken, kúnde ónip qozdaıtuǵyn.
Ielik ekeýine etkenderdiń
Jany joq jer júzinde ozbaıtuǵyn.
Adamdy árli-berli úıirildirip
Sııaqty turmys - tolqyn qozǵaıtuǵyn.
Ǵylymǵa óner menen ýaqytyń barda,
Sebep ne sybanyp qol sozbaıtuǵyn?
Qataryń qalmaı shaýyp baratqanda,
Arqańnyń aýrýy ne qozbaıtuǵyn?!
Kóshke ermeı, óz betinshe qańǵalaǵan,
Botadaı boz taqyrda bozdaıtuǵyn...
Aıtqalı NÁRIKOV,
aqyn, Halyqaralyq «Alash» syılyǵynyń laýreaty
