Aıta ketý kerek, jańa sıtometr jumys barysynda jasýshalardy zertteıtin flýoressentti aǵyndy sıtometrııa ádisin paıdalanady. О́z kezeginde synaq nátıjelerine adam faktorlarynyń áserin azaıtý maqsatynda DxFLEX sıtometri avtomatty úlgi júkteýshimen jabdyqtalǵan. Jańa sıtometrdiń ónimdiligi 23 mınýtta 32 tútikti qamtıdy, ıaǵnı zertteý nátıjelerin jyldam alýdy qamtamasyz etedi. Ári Levı-Djennıngs grafıkterin paıdalaný jolymen quraldyń parametrlerine ishki zerthanalyq baqylaý júrgizýge múmkindik keńeıedi.
Shymkent qalasy JITS-tiń aldyn alý, oǵan qarsy kúres jónindegi ortalyǵynyń bas dárigeri B.Syrbektiń aıtýynsha, búginde Shymkent qalasynyń JITS ortalyǵynda 1853 naýqas dıspanserlik esepte tur. Naýqas jaǵdaıynyń aýyrlyǵy, qosalqy aýrýlardyń bolýy, antıretrovırýstyq terapııany qoldanýy eskerile otyryp, zerthanalyq baqylaýlar júrgiziledi. Jańa analızatordyń kómegimen alynǵan zertteý nátıjeleri dárigerge pasıenttiń ımmýndyq jaǵdaıy týraly tolyq klınıkalyq aqparat alýǵa, qajet bolǵan jaǵdaıda, emdeý sharalaryna ýaqtyly ózgerister engizýge múmkindik beredi. Budan ózge, zerthana jumysynda jańa zamanaýı zertteý ádisterin engizý klınıkalyq dıagnostıkany jaqsartýǵa, emdeý tıimdiligin arttyrýǵa septigin tıgizedi.
Sonymen birge DxFLEX sıtometrin tek AITV-men aýyratyn naýqastarda ǵana emes, basqa ımmýn tapshylyǵy jaǵdaılary, aýtoımmýndy, allergııalyq patologııalar, onkologııalyq aýrýlar dıagnostıkasynda qoldanýǵa bolatynyn aıta ketken abzal.
