«Samuryq-Qazyna» AQ men Ǵylym mınıstrligi birlese áreket etpek

Jıynǵa «Samuryq-Qazyna» AQ, Ǵylym jáne joǵary bi­lim mınıstrligi, Qordyń port­fel­dik kompanııalary men «Samǵaý» ǴTBO ókilderi qatysty.

«Samǵaý» ǵylymı-teh­nı­kalyq bastamalar orta­lyǵy ǵy­lymı jobalardy qar­jy­landyrý úshin irikteýmen aına­­lysady. 2024 jyldyń qyr­kúıegine deıin atalǵan uıym qarjy­landyrýǵa jibe­rilgen 127 ótinimnen 15 jobany tańdaǵan. Olar­dy «Sa­mu­­ryq-Qazyna» AQ, mı­nıs­trliktiń qatysýy­men qor­­dyń kásiporynda­ryn­da qolda­nysqa engizý josparlanyp otyr. Mysaly, «Samruk-Kazyna Ondeu» JShS kúkirt qal­dyq­taryn qoldanýdyń tıim­di jolyn taýyp, odan ján­dikter­men kúresetin qural óndirmek.

Budan bólek, jıyn­da qor­­dyń kompanııalar to­by­­nyń ǵylymı jobalaryn qoldaý jáne ártúrli salalar boıynsha tapshy mamandardy daıarlaý jó­ninde talqylan­dy. Qazirgi ýaqytta qorda energetıka, munaı-hımııa, qurylys, taý-ken ónerkásibi,  taǵy basqa salalar boıynsha mamandardyń je­tis­peýshiligi baıqalady. Osy baǵytta mınıstrlikpen birlesip, qajetti mamandardy daıarlaýǵa ortaq jobalar qurylýy múmkin. Sondaı-aq 2024-2025 jyldary elimiz­diń ártúrli qalalarynda birneshe teh­no­­logııalyq sessııany, ıaǵnı hakatondardy ótki­zý jos­parlanýda.

Aldabergen KEMPIRBAI