Foto: QR Ústel tennısi federasııasy
Saýd Arabııasyn 3:0 esebimen jeńgen Qazaqstan sportshylary shırek fınalda Úndistan ókilderimen sheberlik baıqasqan edi.
Kırıll Gerasımenko eki oıynda jeńilis tapsa, Alan Qurmanǵalıev el quramasyna bir jeńis syılady. Al Aıdos Kenjeǵulov qarsylasyna ese jiberip aldy. Osylaısha, Qazaqstan quramasy 1:3 esebimen Úndistanǵa jol berip, jartylaı fınaldan tys qaldy. Alaıda, otandyq sportshylar endi 5-8 oryndar úshin baq synaıdy.
Eske salaıyq, Astanadaǵy BEELINE ARENA Ulttyq tennıs ortalyǵynda 7 qazan kúni bastalǵan Azııa chempıonatynda 26 elden kelgen 210 sportshy baq synap jatyr.