Sýret: nauchebu.kz
1998 jyly 15 jeltoqsanda qurylǵan NNEF qoǵamdyq qory mektepke deıingi bilimnen bastap, ýnıversıtetterde joǵary bilikti mamandar daıarlaýǵa deıingi bilim jobalaryna ınvestısııa sala otyryp, «Lifelong learning» úzdiksiz bilim berý tujyrymdamasyn iske asyryp keledi. Qor qurylǵan sátten elimizdiń bilim júıesin damytýǵa 120 mlrd teńge qarajat bólgen. Bul qarjy balabaqshalardy, mektepter men joǵary oqý oryndaryn ashýǵa, damytýǵa, sondaı-aq ınnovasııalyq baǵdarlamalar men tehnologııalardy engizýge baǵyttaldy.
«Bilim berý mekemeleri qyzmetiniń nátıjesinde túsken barlyq kirisimiz mektep, balabaqsha, ýnıversıtet qyzmetin odan ári damytýǵa jáne jańǵyrtýǵa baǵyttalady. Aksıonerler túsken paıdany oqý oryndaryna tolyǵymen qaıta ınvestısııalaıdy. Bul – bizdiń strategııalyq baǵytymyz jáne qor jumysynyń negizgi qaǵıdasy. NNEF 2 jastan bastap úzdiksiz bilim berýdiń qaıtalanbas ekojúıesin quraıdy. Bular: 3 balabaqsha, 4 mektep, 5 ýnıversıtet (QBTÝ, Astana IT University, Energo University, UIB, HATÝ), sondaı-aq «Qazaqstannyń SOS balalar aýyldary» áleýmettik jobasy. QBTÝ – bilim ǵana emes, elimizdiń bolashaǵyn qalyptastyratyn tarıh pen ınnovasııalar sıntezi. Joǵary oqý ornyn jeke qor arqyly tıimdi basqarý stýdentter men oqytýshylardyń, ıaǵnı elimizdiń damýyna ońtaıly jaǵdaı jasaýǵa múmkindik beretinine senimdimiz», dep atap ótti NNEF qory «University Alliance of Science and Technology» ýnıversıtettik alıansynyń jetekshisi Maıra Hýsaınova.
Joǵary oqý ornyn basqarý NNEF qoryna berilgen sátten bastap QBTÝ serpindi damý jolyna tústi. Keıingi jyldary qor ýnıversıtettiń damýyna 11 mlrd teńge jumsady. Bul qarajat zamanaýı bilim alýǵa, ǵylymı zerthanalardy jabdyqtaýǵa, 980 oryndyq jańa jataqhana men aýdany 2 400 sharshy metr sport keshenin salýǵa, materıaldyq-tehnıkalyq bazasyn jaqsartýǵa baǵyttaldy.
NNEF qorynyń basshylyǵy ýnıversıtette zamanaýı bilim keńistigin qamtamasyz ete otyryp, ár stýdenttiń emin-erkin damýyna, izdenýine qolaıly jaǵdaı jasap otyr. Búginde Qazaqstan-Brıtan tehnıkalyq ýnıversıteti qor tarapynan qarjylandyrylyp, bilikti mamandar daıarlaýdyń zamanaýı ortalyǵyna aınaldy. QBTÝ jetistigi NNEF modeliniń sátti júzege asqanyn kórsetedi.
ALMATY
