Foto: atr.kz
Abaı aýdanynyń polısııa departamentiniń habarlaýynsha, 14 qazan kúni saǵat 11:40 shamasynda Úrjar aýylyndaǵy Gagarın kóshesimen kele jatqan Toyota Rav-4 kóligin tizgindegen 44 jastaǵy júrgizýshi 11 jastaǵy balany qaǵyp ketken. Oqıǵa saldarynan kámeletke tolmaǵan jábirlenýshi Úrjar aýdandyq ortalyq aýdandyq aýrýhanasynda qaıtys bolǵan.
«Abaısyzda adam ólimine ákep soqtyrǵan jol qozǵalysy erejelerin buzý faktisi boıynsha sotqa deıingi tergeý bastaldy. Tergeý barysy Abaı oblystyq polısııa departamenti basshylyǵynyń baqylaýynda», delingen habarlamada.
Bul aqparatty oblystyń bas ımamy Abaı Asqar Muqanov rastady. Ol kólikti shyn máninde aýyl meshitiniń ımamy júrgizgenin aıtty. Onyń aıtýynsha, kólik saǵatyna 40 shaqyrymnan aspaıtyn jyldamdyqpen qozǵalǵan. Kýágerlerdiń aıtýynsha, boıjetken úılerdiń biriniń aýlasynda baılanǵan ıttiń úrgen daýysynan qorqyp, jolǵa júgirip shyqqan. Júrgizýshi kólikti toqtatyp úlgermegen.
