Foto: Ashyq derekkóz
Mereke qarsańynda jolaýshylar aǵynynyń artýyna baılanysty kelesi baǵyttar boıynsha júretin qosymsha poıyzdar taǵaıyndalǵan:
- Aqtóbe - Shalqar baǵyty boıynsha № 630/629 poıyzy 2024 jyldyń 22 qazanynan bastap eki kúnde bir ret júredi;
- Astana – Shymkent baǵyty boıynsha № 204 poıyz 2024 jyldyń 21 qazanynan bastap kún saıyn júredi;
- Shymkent – Almaty baǵyty boıynsha № 216 poıyz 2024 jyldyń 22 qazanynan bastap kún saıyn júredi;
- Almaty – Astana baǵyty boıynsha №201 poıyz 2024 jyldyń 23 qazanynan bastap kún saıyn júredi.
Sondaı-aq qala mańy baǵytynda 2024 jylǵy 25 jáne 27 qazanda Qaraǵandy-Astana júrdek elektr poıyzynyń baǵyty Býrabaı kýrorttyq stansııasyna deıin uzartylady. № 7553/6811/6812/7556 elektr poıyzynyń baǵyty Qaraǵandy – Astana – Býrabaı kýrorty:
- Astanadan shyǵý 10:40, Býrabaıǵa kelý 13:15;
- Býrabaıdan qaıtý 14:10, Astanaǵa kelý 17:00.
Sonymen qatar 2024 jyldyń 25, 26 jáne 27 qazanynda Ereımentaý-Astana-Kókshetaý baǵytyndaǵy №6831/6829/6830/6832 elektr poıyzynyń quramy qosymsha vagondarmen tolyqtyrylady.
