Foto: Conservancy of Southwest Florida
AQSh-tyń Florıda shtatyndaǵy Evergleıds ulttyq saıabaǵynda uzyndyǵy 4,5 metr jáne salmaǵy shamamen 52 kelige jetetin pıton buǵyny (35 kg) jutyp qoıǵan.
«Muny shynaıy ómirde kórý qyzyq boldy. Bul Florıdanyń ońtústik-batysynda 12 jyl boıy pıtondardy baqylaǵan kezdegi eń jarqyn jáne áserli kórinis», dedi ǵylymı koordınator Iаn Bartoshek.
Otany Ońtústik-Shyǵys Azııa sanalatyn pıtondar alǵash ret AQSh-qa HH ǵasyrdyń ortasynda úı janýarlary retinde satý úshin ákelingeni aıtylady. Jyldar óte kele jabaıy tabıǵatqa jiberilgen jylandar tez kóbeıgen, óıtkeni jergilikti ekojúıede Bırma pıtondaryna básekelester bolmaǵan.
Atalǵan saıabaqta pıtondar jergilikti sútqorektilerdiń kóptegen popýlıasııalaryna qaýip tóndirip tur. Mysaly, qoıandar men túlkiler múldem joǵalyp ketken, al janattar, opossýmdar, aqquıryqtar burynǵydan az kezdesedi. Koıottarǵa (shalǵyn qasqyry), sileýsinderge, qustarǵa jáne tipti qoltyraýyndarǵa da qaýip tónip tur.
Invazııalyq túrlerdiń sanyn azdap azaıtý úshin jergilikti bıologtar atalǵan jylandardy taýyp, joıýǵa májbúr.
