Foto: Densaýlyq saqtaý mınıstrligi
Jańa nysan 30 myń shaqyrymǵa deıin qyzmet kórsetetin alty brıgadaǵa qolaıly jaǵdaı jasaýǵa múmkindik berdi.
Sonymen qatar jergilikti turǵyndardyń medısınalyq qyzmetterge qoljetimdiligin qamtamasyz etý úshin aýdanaralyq aýrýhanaǵa 25 jas maman, onyń ishinde anestezıologtar, travmatologtar jáne jalpy praktıka dárigerleri tartyldy. Bıyl medısına qyzmetkerleriniń otbasylaryna 130 páter berildi, al kóterme tólem somasy 1,5 mln teńgeden 8 mln teńgege deıin ulǵaıtyldy.
Sondaı-aq Balqash kópbeıindi aýrýhanasy emhanasynyń bazasynda zamanaýı dıagnostıkalyq jabdyqtarmen jaraqtalǵan alǵashqy úzdik praktıkalar ortalyǵy ashyldy. Munda keshendi medısınalyq, áleýmettik jáne psıhologııalyq kómek usynylady, sondaı-aq «Halyq keńesi» qoǵamdyq qabyldaý bólmesi jumys isteıdi.
«Ortalyqta medısınalyq, áleýmettik jáne psıhologııalyq qyzmetterdiń sımbıozy qamtamasyz etiledi - bul otbasylyq medısına qaǵıdaty. Mýltıdıssıplınalyq komanda aýrýlardyń sebepterin anyqtaı otyryp, ár otbasymen aınalysady», dep atap ótti Balqash kópbeıindi aýrýhanasynyń dırektory Serikbol Túsipbekov.
