Shyǵystyń baly men Araldyń tuzyna erekshe mártebe berilýi múmkin

Bul týraly búgin ótken brıfıngte Ádilet mınıstrliginiń resmı ókili Talǵat Ýálı baıandady. 

Geografııalyq nusqamalar belgili bir aımaqtan shyqqan jáne ornalasqan jerine baılanysty biregeı qasıetterge nemese sapaǵa ıe, aýylsharýashylyq, azyq-túlik, qolóner men ónerkásip ónimderin anyqtaý úshin paıdalanylatyn jáne tabıǵaty men mádenıeti, tarıhy men shyqqan jerine tyǵyz baılanysy bar ónim. 

О́tken jyly Almatynyń aportyna osyndaı statýs berilgen edi. О́nimderge osyndaı mártebe berip, geografııalyq nusqamany tirkeý ártúrli aımaqta óndiriletin taýarlardyń ulttyq brend retinde damýyna, sondaı-aq olardyń álemdik naryqta tanylýyn, ınvestısııalyq tartymdylyǵyn arttyrýǵa jáne týrıstik ındýstrııany damytýǵa yqpal etedi.

«Qazaqstannyń árbir óńirinde geografııalyq nusqama retinde tirkelý múmkindigi joǵary ónimder bar. Mysaly, Qazaqstandyq tary, Qyzylordalyq «Aral tuzy», Shyǵys Qazaqstannyń tabıǵı baly jáne basqa da ónimder geografııalyq nusqama retinde tirkelýi múmkin», dedi T.Ýálı.

Onyń aıtýynsha, búginge deıin 19 geografııalyq nusqama resmı tirkelgen. Olardyń ishinde 

1. Almaty Aporty
2. Talǵar almurty
3. Narynqol kartoby
4. Baqanas kúrishi
5. «Kókshetaý» balmuzdaǵy
6. «Kókshetaý» maıy
7. Býrabaı baly
8. Qaraǵandy balmuzdaǵy
9. Qaraǵandy broıleri
10. Qostanaı baly
11. Túıe sútinen jasalǵan «Aral» sabyny
12. «Aral» jantaq sabyny
13. Qyzylorda tuzy
14. «Qazaly» kámpıti
15. «Qazaly» sabyny
16. Saıram Nany
17. TURKISTAN shokolady
18. TURKISTAN balmuzdaǵy
19. ChAChA sýsyny bar. 

Al búginde Ádilet mınıstri Azamat Esqaravtyń baqylaýynda tirkeleýge jiberilgen 109 ótinish bar.