Foto: Mádenıet jáne aqparat mınıstrligi baspasóz qyzmeti
Is-sharada Arhıv, qujattama jáne kitap isi komıtetiniń tóraǵasy Rýstam Álı mınıstr Aıda Balaevanyń quttyqtaý hatyn tabys etti.
«Roza Qajyǵalymqyzy – qazaq prozasy men dramatýrgııasyna ózindik qoltańbasyn qaldyryp, oqyrmannyń júregine jol tapqan qalamger. Búgingi is-shara – Roza Qajyǵalymqyzynyń ádebıet, teatr, kıno jáne pedagogıkadaǵy jarqyn jolyn tereńinen tanýǵa múmkindik beredi dep senemin», delingen mınıstrdiń quttyqtaý hatynda.
Konferensııaǵa memleket jáne qoǵam qaıratkerleri, belgili ádebıettanýshylar, kınoteledramatýrgter, kınotanýshylar men teatrtanýshylar, ónertanýshylar jáne sheteldik ǵalymdar, ádebıet jáne óner qaıratkerleri qatysty.
Konferensııa aıasynda Roza Muqanovanyń shyǵarmashylyǵy negizinde túrik tilinde jazylǵan Sabına Saıdtyń kitaby men ujymdyq monografııa jáne fotokórmeniń tusaýkeseri ótti. Sonymen qatar Satybaldy Narymbetovtiń Roza Muqanovanyń áńgimesi negizinde túsirilgen «Qyzjylaǵan» fılmi kórsetildi.
Is-shara barysynda konferensııa qatysýshylaryna QR Ulttyq arhıviniń uıymdastyrýymen «Rozanyń ádebıet álemi» atty jeke qorynan qujattar kórmesi usynyldy. Kórmede jazýshynyń jýrnalıstıka mamandyǵy boıynsha dıplomdary, kýáligi men marapat qujattary jáne «Qyzjylaǵan», «Máńgilik bala beıne», «Mýza» syndy taǵy da basqa dramalarynyń qoljazbalary, teatrlyq afıshalar, ákesi Qajyǵalym Muqanovtyń qoljazbalary, otbasylyq fotosýretteri tanystyryldy.
