Aqtóbe qalasynyń mektepteri men kolledjderinen kelgen myń oqýshynyń aldynda Májilis depýtaty Qazybek Álishev, telejúrgizýshi jáne «Jaıdarman» jobasynyń jetekshisi Esen Eleýken, qazaq estradasynyń ártisi Nurbolat Abdýllın, aıtysker Qaınar Alagózov, tanymal akter Artýr Tólepov sóz sóıledi. Jurtqa belgili aqtóbelikter ómir tájirıbeleri, jetistikke jetý joldarymen bólisti. Osy jıynǵa óńirdiń 12 aýdanynan 2 myń oqýshy onlaın túrde qosyldy.
О́ńir basshysy A.Shaharovtyń aıtýynsha, otansúıgishtik, eljandylyq, ata-anasyn, qorshaǵan ortasyn qurmetteı bilý sııaqty qasıetter bala kezden, jaratylysyndaǵy adamgershilik, meıirimdilik, birsózdilik, tabandylyq minezderdi basymdyqqa qoıǵan kezden bastalady. Jasóspirim kezden-aq ómirlik ustanymdaryn alǵa qoıyp, tulǵalyq qasıetterin damyta otyryp, óz qalaýymen bolashaq mamandyǵyn tańdaı bilgen jón. Osy baǵytta memleketimiz jastardyń óz-ózin damytýyna, jańa bilim men daǵdylardy ıgerýine kóptegen múmkindik jasap keledi.
«Alaıda qazirgi qoǵamda jasóspirimderdiń aldynan shyqqan kedergiler de kóbeıdi. Memleket basshysy Qasym-Jomart Toqaev Ulttyq quryltaıda jalpyǵa ortaq qundylyqtardy damytý men qazir elge qaýip tóndirip turǵan 5 kesel jóninde ashyq aıtty. Sonyń ishinde jastar arasyndaǵy quqyq buzýshylyq, nashaqorlyq, vandalızm, qatygezdik pen buzaqylyqtyń óskenin aıtty. Jastar arasynda taralǵan osy keselderdi joıýǵa qoǵamnyń qoldaýy ábden qajet. Biz jastardy ómirge jaýapkershilikpen qaraýǵa shaqyramyz. Eń bastysy, durys azamat retinde qalyptasýǵa kedergi keltiretin zııandy ádetterge jolamaý kerek. Ol úshin ata-anańyzben, ustazdaryńyzben jaqsy qarym-qatynasta bolyp, dostardy da durys tańdaı bilý kerek. О́ıtkeni teris jolǵa túsken jastyń keri qaıtýy óte qıyn. Onyń ústine elimizde nashaqorlyq, lýdomanııa, býllıngke qarsy zańdar kúsheıtildi. Mundaı qylmystar úshin jaza qatań ekenin umytpańyz. Qoǵamdyq jumys pen volonterlik bastamalarǵa qatysý da jastardyń tulǵalyq damýyna jol ashady. Qashanda óner, bilim, sport sizdiń aınymas serigińiz bolsyn. Kitappen dos bolyńyz», dedi oblys ákimi forým qatysýshylaryna arnaý
sózinde.
Is-sharaǵa qatysýshylar jasóspirimderdi tárbıeleý taqyrybynda pikir talastyryp, balanyń tulǵalyq qalyptasýy kezeńindegi otbasy ınstıtýty men mekteptiń rólin talqylady. Qısyq jolǵa ketip bara jatqan jasóspirimdi qaıtarýdaǵy psıhologııalyq tásilder, nashaqorlyq, sýısıd, býllıngpen kúresýdegi álemdegi ozyq tájirıbelerge toqtaldy. Taǵy bir eskeretin jaıt, ata-analar kóbine balasynyń teris jolǵa úıretetin túrli akkaýntqa erkin kirip ketýin baıqaı bermeıdi. О́ıtkeni bala minezindegi ózgeristerge nazar aýdarmaıdy, perzentiniń nemen aınalysyp, kimmen dos bolyp júrgenimen sharýasy joq. Jıynǵa qatysýshylar jasóspirimniń eń jaqyny qaı kezde de ata-anasy ekenin eskertip, ózderin mazalaǵan suraqpen olarǵa, ne synyp jetekshisi men mektep psıhologine júginýge keńes berdi. Osy maqsatta jasóspirimder arasynda qolaıly ári qaýipsiz orta qurý úshin jastar bastamalaryn damytý jáne ata-analardy tárbıe úderisine tartý, tegin úıirmeler men aýla klýbtarynyń jumysyn durys úılestirý mańyzdy.
Jıyn sońynda óńirdegi barlyq mektep pen kolledjde tárbıe jumysyn jolǵa qoıýdyń ortaq algorıtmin qurý jóninde sheshim qabyldandy.
Aqtóbe oblysy
