Foto: baraev.kz
«Búgin Qytaıdyń iri Fufeng Group kompanııasymen Aqmola oblysynda bıdaı óńdeıtin zaýyt salý týraly kelisimge qol qoıylady. Eki-úsh jyldyń ishinde zaýyt salynady dep oılaımyn», dedi Ǵabıdolla Ospanqulov.
Aqmola oblysynyń ákimi Marat Ahmetjanovtyń habarlaýynsha, kelisim aıasynda 650 mıllıon dollar ınvestısııa tartylyp, 1 myń jumys orny ashylady dep josparlanǵan. Zaýyt Arshaly óńirinde salynady.
«Bul aýdanda ındýstrııalyq aımaq quryp jatyrmyz. Investorlar 4-5 oblysty aralap, Arshaly aýdanyna qonystandy. Sebebi, bul jer sýmen, jaryqpen, gazben qamtylǵan. Bastapqy kezeńde 1 mln tonna bıdaıdy óńdeý josparlandy. Joba ekonomıkanyń ósýine jáne óńirdegi jaǵdaıdyń jaqsarýyna yqpal etedi», dedi oblys ákimi.
