Búginde alys-jaqyn shetelge tanylǵan otandyq mýzyka mamany, jurttyń súıikti ánshisi Dınara Kaırgoja óner álemin asa joǵary baǵalaıdy. О́ıtkeni ol uly óner, mýzyka deıtin tylsym qudyret arqyly ózin-ózi damytyp keledi.
Shekarasy joq mýzyka álemine «Studio 54» LIFE BAND-i arqyly tanylǵan Dınara mýzyka, ónerdiń tazalyǵy týraly aıtqanda tyńdaı bergińiz keledi.
Qazirgi ýaqytta aıtary bolmasa da, mýzykalyq kásibı áleýeti jetpese de ánshi bolyp júrgender kóp. Biraq mýzykalyq bilim bolmaǵandyqtan úlken sahnadan kóriný ekiniń birine buıyrmaıtyn baq.
«Bir jaǵynan shoý-bıznestiń qoljetimdiligi, aqparattyq-sıfrlyq tehnologııalardyń damyp kele jatqany ándi de, ánshini de kóbeıtip jatyr. Endi olardy tyńdaý, tyńdamaý árkimniń óz talǵamyna, deńgeıine baılanysty. Bul turǵydan ánshige de, tyńdarmanǵa da artyq eshnárse aıta almaımyn. Biraq búgin hıt bolyp jatqan ánder túbinde kóp uzamaı umytylady. Mýzykanyń ulylyǵy osynda. Mýzyka jeńil dúnıelerdi qabyldamaıdy. Sondyqtan qazirgi býynǵa izdenýden qashpaı, ózin-ózi únemi damytyp, izdenýge keńes berer edim, – deıdi ánshi Dınara Kaırgoja.
Árıne, Dınaranyń aıtqany oryndy. О́zi de únemi izdenis ústinde. Sahnada adaldyq prınsıpin ustanady. Otandyq shoý-bızneste júrgenderdi sahnaǵa janashyrlyqpen qaraýǵa shaqyrady. Kórermendi, tyńdarmandy syılaý kerektigin uǵyndyrǵysy keledi. О́ıtkeni, vokalmen aınalysý – bul úlken eńbekqorlyqty talap etetin óte kúrdeli prosess.
Mýyzkant,tájirıbeli mýzyka jáne pedagogıka mamany Dınara Kaırgoja búginde alpaýyt Amerıka qurama shtattarynda turady. Sondaǵy ónerge jaqyn qazaq jastaryna vokaldan tálim berip, ult ónerin keńinen nasıhattap júr. Qazaq qaýymdastyǵy uıymdastyratyn barlyq is-sharalarǵa atsalysyp, eki eldiń mádenı dostyǵyn, birligin pash etip júr. Onlaın arqyly qazaqstandyq ónerpazdarǵa vokaldan sabaq berip, bar tájirıbesimen bólisýde.
Taǵy bir jetistigi - jaqynda ǵana Ulybrıtanııa astanasy – Londonda ótken Golden TIME TALENT álemdik baıqaýyna qatysyp, birinshi oryndy jeńip aldy. Golden TIME TALENT dúnıejúzilik baıqaý, ónerli adamdardyń jasyna qaramastan óz talantyn kórsetýge jańa múmkindikter beretin úlken joba. Dınara Kaırgoja atalmysh baıqaýda óziniń týyndysyn oryndady.
«Bul baıqaýda men ózim ánin de, sózin de jazǵan «О́kpe» shyǵarmamdy oryndadym. Qazylar alqasynyń sheshimimen birinshi júlde maǵan buıyrdy. Bul meniń shabytyma odan ári serpin berip, budan da bıik belesterdi baǵyndyrýyma yqpal etetini sózsiz» dedi Dınara Bısenova.
Aıta keteıik, Dınaranyń júlde alǵan shyǵarmasy aldaǵy ýaqytta otandyq telearnada kórsetiletin «Shyraǵyń sónbesin» telehıkaıasynyń saýndtregine tańdalyp alyndy.
