Aýdandaǵy 7 aýyldyq okrýgtegi 14 sharýa qojalyǵy qant qyzylshasyn ósirýmen aınalysady. Bıyl aýdan boıynsha 644 gektar alqapqa tátti túbir egildi. Búginde 366 gektardan 15829,7 tonna ónim jınalyp, ár gektarynan 432,5 sentrden aınaldy. 6689 tonna ónim Aqsý aýdanyndaǵy qant zaýytyna ótkizildi. Búginde tátti túbir jınaýdy 14 sharýashylyqtyń 5 sharýashylyǵy aıaqtap, 9 sharýashylyq qurylymdary naýqandy júrgizip jatyr.
О́nim jınaý naýqanyna qyzý kirisken «Bolat group LTD» JShS-niń qant qyzylshasy alqabyna baryp qaıtty. Sharýa ıesi bıyl zamanaýı tamshylatyp sýarý tehnologııasyn paıdalana otyryp 275 gektar alqapqa tátti túbir ónimin seýip, búginde 135 gektar alqaptan 8100 tonna ónim aldy. Túsim kóz qýantady. Jıym-terim oń nátıje berse, kelesi jyly 1000 gektar alqapqa seýip, ónim kólemin molaıtýdy kózdep otyr.
Jalpy qant qyzylshasy - baby men kútimi kelisse mol ónim beretin ósimtal ári tabysty daqyl. Muny qyzylsha ósirýden mol tájirıbe jınaqtaǵan Kólbaı aýylyndaǵy «Samet agro» sharýa qojalyǵy da jaqsy biledi. Qojalyq aýdanymyzdyń negizgi basymdyqtarynyń biri qant qyzylshasyn 118 gektar alqapqa sepken. Búginde, 100 gektardan 3200 tonna ónim jınap aldy.
Aýdan sharýalary úshin aýa-raıynyń kómegi, egistikti jańbyrlatyp, tamshylatyp sýarý arqyly sýdy únemdi paıdalanýdyń arqasynda qyzylshanyń shyǵymy jaqsy boldy. Endigi maqsat - alajazdaı kútip-baptaǵan ónimdi kúzdiń qara sýyǵyna, jaýyn-shashynǵa uryndyrmaı sapaly jınap alyp, tıisti qant zaýyttaryna ótkizý bolyp otyr. Bul jumystarǵa 5 kombaın jumyldyryldy.
Dıqandar qyzyl qyrmannyń qyzǵan shaǵynda mol ónim alatynyna senimimiz mol.
